Ռուսաց լեզվի և գրականության ամբիոնում ավանդույթ է դարձել եկեղեցական տոներին ընդառաջ կազմակերպել աստվածաշնչյան ընթերցումներ: Հերթականը ամբիոնի դոցենտ Սուսաննա Մկրտչյանի նախաձեռնությամբ էր՝ նվիրված Զատկին:
Աստվածաշնչից ընտրված Հիսուս Քրիստոսի հրաշագործությունների մասին առակների ընթերցումներին հետևել են հոգևոր երաժշտական կատարումներն ու աղոթքի ուժի մասին պատմող բեմականացումը:
Ռուսաց լեզվի և գրականության ամբիոնի վարիչ Նունե Առաքելյանը կարևորել է հոգևոր նշանակության միջոցառումների կազմակերպումը և շնորհակալություն հայտնել պարբերաբար Տիրոջը և նրա պատգամ-պատվիրաններին հաղորդակից դարձնելու, ուսանողներին քրիստոնեական գաղափարախոսությամբ դաստիարակելու համար: