«ԱՐՑԱԽԻ ԱՊԱԳԱՆ ԵՐԻՏԱՍԱՐԴՈՒԹՅՈՒՆՆ Է, ԵՎ ՁԵՐ ՀԱՅՐԵՆԱՍԻՐՈՒԹՅՈՒՆՆ ԱՅՍ ՀԱՐՑՈՒՄ ՈՐՈՇԻՉ Է». ՓՈԼ ՄԻՐԹՍ

27.04

2017

 

IMG 2080   IMG 2084

IMG 2106   IMG 2094

Միջազգայնագետ, իրավունքի ոլորտի պրոֆեսոր Փոլ Միրթսը Արցախ կատարած գործնական այցելության շրջանակներում արդեն երկրորդ անգամ մայր բուհում հանդես է գալիս դասախոսությամբ:

Քաղաքագիտության և օտար լեզուների բաժինների ուսանողների հետ նախատեսված  երկօրյա հանդիպումները չեն սահմանափակվելու միայն տեսական դասախոսություններով: Պրոֆեսորը նախատեսում է միջազգային բանակցային գործընթացների վերջին նորությունների վերաբերյալ տեղեկություններ հաղորդել լսարանին, ապա խմբային աշխատանքներ իրականացնել ուսանողների հետ:

Պրոֆեսորն այն կարծիքն է հայտնում, որ միջազգային բանակցային գործընթացը երկխոսության ձև է, իսկ երկխոսություն հնարավոր է իրականացնել փոխադարձ ըմբռնման պայմաններում, այսինքն` եթե կողմերից առնվազն մեկը նման եզրակացության չի եկել, ոչինչ հնարավոր չէ և ավելացնում. «Արցախի ապագան երիտասարդությունն է, և ձեր հայրենասիրությունն այս հարցում որոշիչ է»:

Անդրադառնալով տարածաշրջանային անվտանգությանն ու բանակցային գործընթացին` պրոֆեսորն առաջարկել է առանձին խմբերում քննարկել և առաջարկություններ ներկայացնել միջազգային հարաբերությունների ոլորտում Արցախի անելիքների իրենց տեսլականի վերաբերյալ: