Հունիսի 1-ին ԱրՊՀ-ում կազմակերպվել էր տոնական միջոցառում՝ նվիրված երեխաների իրավունքների պաշտպանության միջազգային օրվան:
Արդեն երրորդ տարին է, ինչ համալսարանի ղեկավարության նախաձեռնությամբ երեխաների պաշտպանության միջազգային օրը նշվում է նաև ԱրՊՀ-ում՝ համալսարանի աշխատակիցների մանկահասակ երեխաների համար կազմակերպելով տոնական միջոցառում:
Ժամանցային ծրագրի ընթացքում սիրված մուլտհերոսների և երեխաների մասնակցությամբ կազմակերպվել են հետաքրքրաշարժ խաղեր, մրցույթներ, պարեր:
Միջոցառման վերջում փոքրիկներին բաժանվել են փուչիկներ և պաղպաղակ: