Ապրիլի 17-ին աշխարհագրության ամբիոնի կողմից կազմակերպվել էր «Աշխարհագրություն-տրամաբանություն-պոեզիա» խորագրով ինտելեկտուալ խաղ-մրցույթ:
Մրցույթին մասնակցում էին բաժնի առկա և հեռակա համակարգի վեց խմբեր, որոնց մասնագիտական և ընդհանուր պատրաստվածությունը ստուգվեց երեք փուլերի ընթացքում: Այս անգամ աշխարհագետների նախաձեռնությունը տարբերվում էր նրանով, որ հարցերը հնչում էին չափածո, ավելի հստակ՝ մեջբերվում էին հատվածներ հայ և համաշխարհային հեղինակների ստեղծագործություններից՝ առաջադրելով լրացնել բաց թողնված աշխարհագրական տեղանունը, երևույթը և այլն:
Մրցութային երեք փուլերի արդյունքներով հաղթող ճանաչված թիմը խրախուսվեց պատվոգրով: