ԱՌԱՐԿԱՅԱԿԱՆ ԹԵՍՏԵՐԻ ՈՐԱԿԻ ԲԱՐԵԼԱՎՄԱՆ ՆՊԱՏԱԿՈՎ ԱՐՊՀ-ՈՒՄ Է ՀՀ ԳԹԿ ՓՈԽՏՆՕՐԵՆԸ

15.05

2018

IMG gtk1  IMG gtk2

IMG gtk3  IMG gtk4

ԱրՊՀ ղեկավարության հրավերով այս օրերին համալսարանի մի խումբ դասախոսների հետ հանդիպում է ունեցել ՀՀ ԳԹԿ փոխտնօրեն Արսեն Բաղդասարյանը:

Ներկայացնելով Ա.Բաղդասարյանին՝ ԱրՊՀ ուսումնական գծով պրոռեկտոր Գ.Սահակյանը նկատում է, որ գիտելիքների ստուգման թեստային եղանակին անցնելու ժամանակ նպատակահարմար են գտել մասնագետ հրավիրել՝ ուղղորդելու գործընթացը:

«Համապատասխան մասնագետ հրավիրելով` նպատակ ունենք ձևավորելու հանձնախումբ, որը կզբաղվի առարկայական թեստերի որակի բարելավմամբ: Այսինքն՝ դասընթացների արդյունքում մասնակիցները ձեռք կբերեն թեստեր կազմելու հմտություն, որը և կփոխանցեն գործընկերներին»,- ասում է Գ.Սահակյանը:

«Թեստավորումը դիտարկվող ոլորտում գնահատման այնպիսի գործիքների ստեղծումն է, որը հնարավորություն կտա առավելագույնս ճշգրիտ հաշվարկելու գիտելիքի չափն ու աստիճանը»,- ասում է Ա.Բաղդասարյանը և խոստանում կարճ ժամանակահատվածում հնարավորինս լայն պատկերացում տալ թեստաբանության պահանջների վերաբերյալ:

Նշենք, որ դասընթացները տևելու են երեք օր՝ ներառելով ներկայացուցիչներ բոլոր ամբիոններից: