Արցախի պետական համալսարանի բնագիտական ֆակուլտետի ուսանողներն օրերս այցելել են N զորամաս, հանդես եկել մշակութային ծրագրով և կազմակերպել ինտելեկտուալ խաղ:
Նախաձեռնությունը ուսանողական խորհրդի ակտիվ անդամներինն էր, որն իրականացավ ՊԲ աջակցությամբ: Այցի ընթացքում ուսանողները ներկայացրել են մշակութային ծրագիր, զինվորների հետ պարել ազգագրական պարերեր, ուժերը փորձել ինտելեկտուալ խաղում: Զինվորներին հանձնել են նաև ֆակուլտետի ուսանողների կողմից պատրաստած նվերներ, նամակներ` լավագույն մաղթանքներով: Ուսանողներն օրն ամփոփել են` զինվորների հետ մասնակցելով ճաշի:
Ուսանողներն իրենց երախտագիտության խոսքն են հղել զորամասի սպայական կազմին, զինվորներին` հայրենիքի սահմաններն անառիկ պահելու և ջերմ ընդունելության համար: Բանակ-հասարակություն կապի ամրապնդմանն ուղղված նմանատիպ միջոցառումները, ֆակուլտետի պատասխանատուների հավաստմամբ, շարունակական են լինելու:
Էդիտա Առստամյան,
Բնագիտական ֆակուլտետի ՈՒԽ նախագահ