ԵՊՀ քիմիայի ֆակուլտետի ՈՒԳԸ նախաձեռնությամբ կազմակերպվել է «Հայկական քիմիական ուսանողական օլիմպիադան», որին մասնակցել են ԵՊՀ-ի, Հայ-Ռուսական, Գորիսի պետական և Արցախի պետական համալսարանների թիմերը, յուրաքանչյուր թիմում՝ հինգական ուսանող:
Օլիմպիադան բաղկացած էր մրցութային երեք օրերից: Առաջին օրը թիմերին տրվել են տեսական հարցեր, իսկ երկրորդ օրը թիմերը հանդես են եկել զեկուցումներով, որոնց թեմաները տրվել էին նախօրոք:
Մրցութային առաջին և երկրորդ օրերին հավաքած միավորների արդյունքների հիման վրա երեք թիմեր մասնակցել են օլիմպիադայի վերջին փուլին, որտեղ ուսանողներն արդեն կիրառել են գործնական հմտություններ՝ իրականացնելով քիմիական փորձեր:
ԱրՊՀ-ն ներկայացնում էր «ՆԵՈՆ» թիմը, որի կազմում էին քիմիա 4-րդ կուրսի ուսանողուհիներ Սոնա Ոսկանյանը, Գոհար Պետրոսյանը, կենսաբանություն 3-րդ կուրսի ուսանողուհիներ Աննա Աբրահամյանը, Անի Առստամյանը և կենսաբանություն 2-րդ կուրսի ուսանողուհի Լուսինե Պետրոսյանը:
ԱրՊՀ ուսանողները կարևորում են նման ձևաչափով միջբուհական մրցույթներին մասնակցությունը՝ նոր գիտելիքներ ձեռք բերելու և ուսանողական միջբուհական շփումների սերտացման առումով:
Օլիմպիադայից առաջ ուսանողների համար դասախոսությամբ հանդես է եկել Հայաստանի ազգային ագրարային համալսարանի ընդհանուր քիմիայի ամբիոնի վարիչ Օլեգ Քամալյանը՝ ներկայացնելով քիմիական տարրերի Մենդելեևի պարբերական համակարգի նոր խմբագրված տարբերակը:
Սոնա Ոսկանյան,
քիմիա 4-րդ կուրս