Փետրվարի 13-ին ԱրՊՀ-ում նշվեց Տյառնընդառաջի տոնը: Արարողությանը մասնակցել են նաև ԱրՊՀ ռեկտոր Արմեն Սարգսյանը, գրող, հրապարակախոս Զորի Բալայանը, համալսարանի ղեկավարությունը, ուսանողությունը:
Ուսանողները տոնի առթիվ համալսարանի բակում տաղավար են պատրաստել, կազմակերպել հյուրասիրություն ազգային ուտեստներով՝ գաթա, աղանձ: Վերջինս Տրնդեզի սեղանի առատության և հարստության նշանն է:
Ազգագրական կատարումների ներքո ուսանողները վառել են խարույկը, որը մաքրագործող և սրբագործող նշանակություն ունի, հանդես եկել ազգագրական պարերով:
Նշենք, որ Ամենայն հայոց կաթողիկոս Գարեգին Բ-ի տնօրինությամբ Տյառնընդառաջը հռչակվել է նորապսակների օրհնության օր, իսկ 2019 թվականը՝ ընտանիքի տարի: