ԱրՊՀ տնտեսագիտության ֆակուլտետի ֆինանսներ երրորդ կուրսի ուսանողները, ֆինանսահաշվային ամբիոնի վարիչ, տ.գ.թ., դոցենտ Նարինե Ավանեսյանի ղեկավարությամբ, Ստեփանակերտի Վիտալի Ջհանգիրյանի անվան հ. 11 ավագ դպրոցի աշակերտների համար հանդես են եկել «Վարկ և ավանդ» թեմայով դասախոսությամբ:
Աշակերտների խոսքերով` նման դասընթացները բավականին հետաքրքիր և ուսուցողական են: Ուսանողները իրենց հերթին կարևորել են նման դասընթացների հաճախակի կազմակերպումը` նշելով, որ այն նպաստում է ավագ դասարանների աշակերտների շրջանում ֆինանսական գրագիտության մակարդակի բարձրացմանը: Նրանք նաև թեման ամրապնդելու նպատակով աշակերտներին հանձնարարել են գործնական առաջադրանք: