Դեկտեմբերի 2-ին Արցախի պետական համալսարանի հոգեբանական կենտրոնում մեկնարկել է հնգօրյա հոգեբանական դասընթաց, որը վարում է հ.գ.թ., դոկտոր, պրոֆեսոր, ԵՊՀ դասախոս, «Անիմա» հոգեբանական ծառայությունների հայկական կենտրոնի հիմնադիր-տնօրեն Վլադիմիր Միքայելյանը: Հանդիպմանը ներկա էին ԱրՊՀ ՈՒՇՀՀՏԱ գծով պրոռեկտոր Վիտյա Յարամիշյանը, դասախոսներ, ուսանողներ:
Պրոռեկտորը ողջունել է հյուրին` շնորհակալություն հայտնեովլ համալսարան այցելելու և դասընթացը վարելու համար՝ կարևորելով դասընթացի նշանակությունը ուսանողների՝ պրակտիկ հմտությունները զարգացնելու և նոր գիտելիքներ ձեռք բերելու առումով:
Վլադիմիր Միքայելյանը խոսել է հոգեսոմատիկայի մասին՝ նշելով, որ այն առաջատար ուղղություն է զարգացած երկրներում:
«Ժամանակակից աշխարհում հոգեսոմատիկ են համարվում հիվանդությունների 90%-ը, հատկապես ամենատարածվածներն են թոքախտը, խոցային, օնկոլոգիական հիվանդությունները, տուբերկուլյոզը, որոնց հիմքում ընկած են հուզական ռեակցիայի արդյունքում առաջացած սթրեսն ու լարվածությունը»,- ասել է նա՝ հավելելով, որ յուրաքանչյուր օրգան սերտորեն կապված է համապատասխան հույզի հետ:
Նշենք, որ դասընթացը ուղեկցվելու է գործնական պարապմունքներով: