Սեպտեմբերի 11-ին Արցախի պետական համալսարանում դասախոսությամբ հանդես է եկել ԵՊՀ միջազգային հարաբերությունների ֆակուլտետի դասախոս, պ.գ.թ., դոցենտ, ԵՊՀ հայագիտական հետազոտությունների ինստիտուտի ավագ գիտաշխատող Սարգիս Գրիգորյանը:
Հանդիպումը կազմակերպվել է ԱրՊՀ հայագիտական կենտրոնի նախաձեռնությամբ, որին ներկա էին «Պատմություն» մասնագիտության տարբեր կուրսերից ուսանողներ և դասախոսներ: Դասախոսության թեման էր «Մերձավոր Արևելքի քաղաքական իրավիճակը»:
Պատմության և իրավագիտության ֆակուլտետի դեկան Ա. Առստամյանը ողջունել է բանախոսին և շնորհակություն հայտնել ԱրՊՀ-ում հյուրընկալվելու համար, իսկ ուսանողներին հորդորել է, որպեսզի նմանատիպ գիտական թեմաները ընդունեն ի գիտություն, քանի որ մասնագիտական կայացման ճանապարհին դրանք անչափ կարևոր նախապայմաններ են:
Բանախոսը ներկայացրել է տարածաշրջանում տիրող ներկայիս իրավիճակը և պատասխանել ուսանողների կողմից հնչեցված հարցերին: