Մարտի 4-ին Արցախի պետական համալսարանի տնտեսագիտության ֆակուլտետի առաջին կուրսի ուսանողների համար կազմակերպվել է սեմինար-պարապմունք՝ հետազոտական աշխատանք կատարելու հմտություններն ու իմացությունները զարգացնելու նպատակով: Միջոցառումը կազմակերպվել է ֆակուլտետի ՈՒԳԸ և ՈԻԽ նախագահների համատեղ ջանքերով: Ֆակուլտետի դեկան Ռ. Մանգասարյանը, ողջունելով ներկաներին, հետազոտական ոլորտում առաջին քայլերը կատարող ուսանողներին մաղթել է հաջողություններ:
«Դուք պետք է կարողանաք Ձեր ունեցած տեսական գիտելիքները համակարգել, օգտագործել վիճակագրական նյութերը և համադրել գործնական ասպարեզի հետ: Այս ամենի հիման վրա էլ Ձեզ մոտ կձևավորվի տնտեսագիտական մտածելակերպ»,- նշել է Ռ. Մանգասարյանը:
Սեմինարի ընթացքում ուսանողներին ներկայացվել են, թե ինչպես պետք է կատարեն հանձնարարվող հետազոտական աշխատանքները, ինչ կառուցվածքային մասերից պետք է այն բաղկացած լինի, իմանան նախապատրաստական քայլերն ու գիտական պահանջները:
Ուսանողները նաև իրազեկվել են այն թերացումների մասին, որոնք հաճախ հանդիպում են կատարված գիտահետազոտական աշխատանքներում` ապագայում նմանօրինակ թերացումներից խուսափելու համար:
