Այսօր Արցախի պետական համալսարանի պատմության և իրավագիտության ֆակուլտետի «Իրավագիտություն» մասնագիտության ուսանողները դասախոսություն-քննարկում են անցկացրել Ստեփանակերտի Վ. Ջհանգիրյանի անվան N11 ավագ դպրոցի աշակերտների հետ: Քննարկման թեման էր «Մոսկվայի և Կարսի պայմանագրերի պատմաիրավական կողմերը»: Միջոցառումը կազմակերպվել է ֆակուլտետի ուսանողական խորհրդի նախաձեռնությամբ և իրավունքի ամբիոնի աջակցությամբ:
«Միջոցառման նպատակն է բուհ-դպրոց կապի ամրապնդումն ու զարգացումը, ինչպես նաև ուսանողների կողմից մասնագիտական փորձ ձեռք բերելը: Քանի որ հասարակության շրջանում կան որոշակի թյուր կարծիքներ` կապված պայմանագրերի 100-ամյակի հետ, մենք որոշեցինք նախաձեռնել նմանատիպ միջոցառում՝ մանրամասնելու պայամանագրի կետերն ու սկզբունքները»,- նշել է Ա. Սարգսյանը:
Ուսանողները հանդես են եկել պայմանագրի իրավական և պատմական կողմերին առնչվող ելույթներով և պատասխանել աշակերտների հարցերին:
