Մարտի 19-ին տնտեսագիտության ֆակուլտետի ուսանողական գիտական ընկերության նախաձեռնությամբ կազմակերպվել է ինտելեկտուալ-ժամանցային «Այլ կերպ» խաղ, որին մասնակցել են տարբեր կուրսերից հավաքական թիմեր:
«Մրցութային երեք փուլերի ընթացքում պատասխանելով տրամաբանական, մասնագիտական և հետաքրքրաշարժ հարցերի` մասնակիցները ոչ միայն ցույց են տվել իրենց ինտելեկտուալ պատրաստվածության մակարդակը, այլ միաժամանակ ձեռք են բերել նոր գիտելիքներ: Նմանօրինակ միջոցառումները շարունակական բնույթ կկրեն, և կփորձենք ընդգրկել ֆակուլտետի մյուս մասնագիտություններից ուսանողներ»,- նշել է ֆակուլտետի ուսանողական գիտական ընկերության նախագահ Դ. Դանիելյանը:
Խոսելով խաղի արդյունքներից՝ ֆակուլտետի դեկան Ռուզաննա Մանգասարյանը նշել է, որ այդպիսի միջոցառումները նպաստում են համալսարանական կյանքն ավելի հետաքրքիր ու բազմաբովանդակ դարձնելուն: Խաղի արդյունքում մրցանակային տեղեր զբաղեցրած թիմերը խրախուսվել են պատվոգրերով:
