Մարտի 26-ին Արցախի պետական համալսարանում դասախոսությամբ հանդես է եկել լրագրող, վերլուծաբան, հրապարակախոս Նաիրի Հոխիկյանը: Դասախոսության թեման էր «Մասնագիտական գործունեության առանձնահատկությունները. անվտանգային հարցեր»: Քննարկումը կազմակերպվել է «Արցախ. ներկան և ապագան» խորագրով ծրագրի շրջանակներում, որին ներկա էին ուսանողներ և դասախոսներ:
ՈՒՇՀՀՏԱԳ պրոռեկտոր Վ. Յարամիշյանը ներկայացրել է բանախոսին և խոսել 44-օրյա պատերազմում կամավորական խմբի հետ նրա իրականացրած նպաստավոր աշխատանքի մասին:
«Ն. Հոխիկյանը, պատերազմի օրերին լինելով Արցախում և արցախցու կողքին, անձնվեր աշխատանք է կատարել, ինչի համար մեծապես շնորհակալ ենք: Այսօր էլ, վստահ եմ, բոլորիդ կզինի անհրաժեշտ և օգտակար գիտելիքներով ու կարողություններով»,- իր խոսքում նշել է Վ. Յարամիշյանը:
«Ինձ համար մեծ պատիվ է այսօր գտնվել Արցախում, հանդիպել Արցախի պետական համալսարանի ուսանողների հետ, լսել Ձեր կարծիքները մասնագիտական գործունեության և անվտանգային հարցերի շուրջ»,- նշել է Ն. Հոխիկյանը՝ կարևորելով ռազմական և քաղաքագիտական լրագրության դերը:
Բանախոսը հարց-պատասխանի միջոցով ներկայացրել է լրագրության դերը այօրվա իրականության մեջ և պարզաբանումներ տվել տարածաշրջանային, աշխարհաքաղաքական հարցերի շուրջ:
