ԱրՊՀ պատմության և իրավագիտության ֆակուլտետի պատմության ամբիոնի նախաձեռնությամբ կազմակերպվել է օլիմպիադա «Հայոց պատմություն» առարկայից, որին մասնակցել են հանրակրթական դպրոցների 9- 12-րդ դասարանների աշակերտները:
Օլիմպիադայում մրցանակային տեղեր զբաղեցրած մասնակիցները պարգևատրվել են ԱրՊՀ-ի կողմից: Մրցանակային առաջին տեղը զբաղեցրել են Հոռաթաղի միջնակարգ դպրոցի 12- րդ դասարանի աշակերտուհի Արևիկ Բաղրյանը, Ստեփանակերտի համար 11 ավագ դպրոցի 12- րդ դասարանի աշակերտուհի Քնար Ասրյանը, նույն դպրոցի աշակերտուհի Մարիամ Մկրտումյանը, երկրորդ տեղը զբաղեցրել է Ստեփանակերտի համար 11 ավագ դպրոցի 12- րդ դասարանի աշակերտուհի Վիկտորյա Ասրյանը, իսկ երրորդ տեղը՝ Ստեփանակերտի համար 11 ավագ դպրոցի 12- րդ դասարանի աշակերտուհի Արփիկ Իշխանյանը:
Պատմության և իրավագիտության ֆակուլտետի դեկան, պ.գ.թ., դոցենտ Արմինե Առստամյանի խոսքով՝ ԱրՊՀ զարգացման ռազմավարական ծրագրում առանցքային տեղ է գրավում բուհ-դպրոց կապը:
«Այս օլիմպիադան կարևոր է բուհ-դպրոց կապի ամրապնդման և ապագա դիմորդների շրջանում «Հայոց պատմություն» առարկայի նկատմամբ սեր ու հետաքրքրություն առաջացնելու առումով: Բուհ-դպրոց կապի ամրապնդմանը միտված մի շարք միջոցառումներ ենք կազմակերպել, այդ թվում նաև՝ այցելություն դպրոցներ, այս անգամ ընտրեցինք օլիմպիադայի ձևաչափը, ինչը դրական արձագանք գտավ դպրոցականների շրջանում»,-նշել է Ա. Առստամյանը: