2013թ. հունվարի 18 - ին ԱրՊՀ այցելեց ԼՂՀ ժամանած ՀՀ պատվիրակությունը, որի կազմում էին ՀՀ ֆինանսների տեղակալ Վարդան Արամյանը, ՀՀ ֆինանսների նախարարության աշխատակազմի լիցենզավորման գործակալության պետ Կարեն Թամազյանը, ՀՀ աշխատանքի և սոցիալական հարցերի նախարարության սոցիալական ապահովության պետական ծառայության պետի առաջին տեղակալ Սմբատ Սաիյանը և Վիգեն Շահնազարյանը` ՀՀ կենտրոնական բանկի մեթոդաբանության վարչության փորձագետ:
ՀՀ ժամանած պատվիրակության հանդիպումը համալսարանի տնտեսաիրավաբանական ֆակուլտետի պրոֆեսորադասախոսական կազմի և ուսանողների հետ տեղի ունեցավ ԱրՊՀ - ի մեծ դահլիճում:
<<2013թ. ԼՂՀ - ի համար հիշարժան տարի է: ՈՒղիղ 25 տարի առաջ այս կրթօջախից է սկսվել շարժման առաջին հրապարակման երթը, որն ազդարարեց համահայկական զարթոնքի սկիզբը:
Այսօր մեր հասարակական - քաղաքական կյանքում սկիզբ է առնում մի նոր գործընթաց` կենսաթոշակային բարեփոխումներ>>,- ներկաներին ողջունելով` ասաց ԱրՊՀ ռեկտոր Ս.Դադայանը:
Վարդան Արամյանը ներկայացրեց <<Կենսաթոշակային բարեփոխումներ>> համակարգի ծրագիրը և հանդիպումը կարևորեց, քանի որ երկրի ապագան երիտասարդներինն է:
