Սեպտեմբերի 16-ից 20-ը Արցախի պետական համալսարանի ՈՒՀՏԱԿ բաժնի և ՈՒԽ համատեղ ջանքերով կազմակերպվել է միջֆակուլտետային ֆուտբոլի մրցույթ: Մրցույթին մասնակցել են համալսարանի չորս ֆակուլտետներից հավաքական թիմեր: Ընդհանուր արդյունքներով թիմային մրցապայքարում առաջին մրցանակային տեղ է զբաղեցրել մանկավարժության և սպորտի ֆակուլտետի թիմը՝ արժանանալով «ԱրՊՀ գավաթ» մրցանակի: Երկրորդ և երրորդ մրցանակային տեղերն են զբաղեցրել համապատասխանաբար բնագիտական, պատմության և իրավագիտության ֆակուլտետների թիմերը:
«Բացի գիտակրթական, մշակութային միջոցառումներից, մենք կարևորում ենք նաև մարզական ուղղությունը: Պատերազմից հետո նման միջոցառումների կազմակերպման առանցքային նպատակն է մեր տղա ուսանողների ներգրավվածության, ինչպես նաև թիմային աշխատանքի և առողջ ապրելակերպի ապահովումը»,- նշել է ՈՒՀՏԱ և Կ բաժնի պետ Վ. Գալոյանը:
