Ս.թ. հոկտեմբերի 31-ից նոյեմբերի 2-ը միջբուհական համագործակցության ծրագրով Երևանի պետական համալսարանի Միջազգային հարաբերությունների ֆակուլտետի Քաղաքական ինստիտուտների և գործընթացների ամբիոնի վարիչ , քաղաքական գիտությունների դոկտոր, պրոֆ. Գ.Քեռյանը, քաղաքական գիտությունների թեկնածու, դոցենտ Հ.Շափաղաթյանը և քաղաքական գիտությունների թեկնածու, դոցենտ Խ.Գալստյանը այցելեցին Արցախի պետական համալսարան:
Նրանք հանդիպումներ ունեցան փիլիսոփայության և քաղաքագիտության ամբիոնի դասախոսների, ուսանողների, մագիստրանտների, ասպիրանտների հետ: Ուսանողները և պրոֆեսորա-դասախոսական անձնակազմը մեծ գոհունակությամբ ունկնդրեցին հյուրերի դասախոսությունների շարքը արդիական քաղաքագիտական թեմաներով (քաղաքական կուսակցություններ, քաղաքական մասնակցություն և բանակցություններ):
Ձեռք բերվեց համաձայնություն ԵՊՀ-ի և ԱրՊՀ-ի քաղաքագետների միջև համագործակցությունը շարունակելու մասին: