2015 թ. փետրվարի 25-ին Արցախի պետական համալսարանը կազմակերպում է միջբուհական ուսանողական միջոցառում` «Օզանյանական ընթերցումներ»` նվիրված Անդրանիկ Օզանյանի ծննդյան 150-ամյակին:
Հոբելյանական միջոցառման նպատակն է համակողմանիորեն ներկայացնել Անդրանիկ Օզանյանի պատմական դիմանկարը և նրա առաքելությունը հայության կյանքում:
Գիտաժողովի աշխատանքներն ուղղորդող մարմիններն են ԱրՊՀ հայագիտական կենտրոնը և պատմության ամբիոնը: Ընթերցումները նախատեսվում է կազմակերպել ԱրՊՀ գիտական խորհրդի նիստերի դահլիճում:
Ընթերցումների համար նախանշվում են հետևյալ ուղղությունները.
- Հիշարժան դրվագներ Անդրանիկ Օզանյանի կյանքից
- Էջեր Անդրանիկ Օզանյանի ազատագրական պայքարի պատմությունից
- Անդրանիկ Օզանյանի ընդհատված առաքելությունն Արցախ
- Անդրանիկ Օզանյանի ազգային գաղափարախոսական հայացքների արդիականությունը
- Անդրանիկը` հմուտ զորահրամանատար:
Ընթերցումներին հրավիրում ենք «Պատմություն», «Քաղաքագիտություն», «Հայոց լեզու և գրականություն», «Լրագրություն» մասնագիտությունների դասախոսներին և ուսանողներին, ինչպես նաև բոլոր ցանկացողներին:
Զեկույցներին ներկայացվող տեխնիկական պահանջները.
Զեկույցները պետք է ունենան մինչև 4 էջ ծավալ, տառաչափը` 12, միջտողային հեռավորությունը` 1,5: Զեկույցը ներկայացնելու համար սահմանվում է 5-7 րոպե: Զեկույցների կրկնությունը բացառելու նպատակով մինչև փետրվարի 18-ը ԱրՊՀ Հայագիտական կենտրոն ներկայացնել թեմաների վերնագրերը և ղեկավարի տվյալները:
Ընթերցումների ավարտին նախատեսվում է «Անդրանիկ Օզանյան» գիտահանրամատչելի կինոնկարի ցուցադրությունը:
Նախաձեռնող հանձնաժողով