Փետրվարի 6-ին «Ձմեռային դպրոց»-ի շրջանակներում ԱրՊՀ-ում հյուրընկալվել էր Տոմսկի պետական համալսարանի պատվիրակությունը:
Հանդիպմանը ներկա էին «Հայ-ռուսական համագործակցություն»հասարակական կազմակերպության նախագահ Յուրա Նորոյանը, ԼՂՀ վարչապետի օգնական Ա. Բեգլարյանը, պրոռեկտորներ Վ. Ավանեսյանը և Գ.Սահակյանը, դասախոսներ, ուսանողներ:
Սեմինարը վարում էր ԱրՊՀ գիտական և միջազգային համագործակցության գծով պրոռեկտոր Վ. Ավանեսյանը, ով, ներկայացնելով հանդիպման գլխավոր նպատակը, ընդգծեց հատկապես Տոմսկի և Արցախի պետական համալսարանների միջև երկխոսության ձևավորման առաջնահերթ անհրաժեշտությունը, իսկ «Հայ-ռուսական համագործակցություն»հասարակական կազմակերպության նախագահ Յու. Նավոյանը նմանատիպ հանդիպումները բնութագրեց իբրև ռուսական ակադեմիական աշխարհումԱրցախի ներկայության ապահովման ամենահաջողված խողովակներից մեկը,որը նաև կապահովի ԱրՊՀ ներկայացուցիչների մասնակցությունը համառուսաստանյան և միջազգային գիտաժողովներին:
Հանդիպման ընթացքում երիտասարդ գիտնականները ներկայացրին իրենց հետազոտական ուսումասիրությունները, որոնցում շոշափված էին համաշխարհային քաղաքագիտության և միջազգային հարաբերությունների վերաբերյալ այնպիսի հարցեր, որոնք այս կամ այն կերպ առնչվում են Հյուսիսային Կովկասի, մասնավորապես` ԼՂՀ հիմախնդրին:
Շուրջ չորս ժամ տևած հանդիպման ընթացքում մասնակիցները քննարկումներ ծավալեցին հատկապես Արցախի` պատերազմական պայամններում երկիր կառուցելու խիզախության մասին. «Արցախն ունի պետականության անհարաժեշտ բոլոր գործիքները` տարածք, բնակչություն, իշխանություն և արտաքին կապեր, դե յուրե ճանաչման համար»,- ասաց Տոմսկի պետական համալսարանի ասպիրանտ Վան Հարությունյանը:
«Անգամ ճանաչված մի շարք պետությունների` Վրաստանի, Ղազախստանի, Ադրբեջանի համեմատ Հայաստանում և Արցախում շուկայի ազատականացումը բարձր մակարդակի վրա է. «Ավելի շատ արտոնություններ են տրվում, ինչն էլ ավելի շատ ներդրողների է գրավում »,- ասաց Յուլյա Ժուչկովան:
Այս հանդիպման նպատակներից է նաև մարտ ամսին Տոմսկի պետական համալսարանում ցեղասպանության 100-ամյակին նվիրված միջազգային կոնֆերանսի կազմակերպչական հարցերի քննարկումն ու հաստատումը, որին, ի դեպ, կմասնակցեն նաև ԱրՊՀ գիտնականներ, ինչը Տոմսկի և Արցախի առաջատար գիտահետազոտական կենտրոնների միջև համագործակցության սկիզբը կդառնա: