Մարտի 6-ին ԱրՊՀ հայոց լեզվի ու գրականության և օտար լեզուների ֆակուլտետում կազմակերպվել էր Մ. Լերմոնտովի ծննդյան 200-ամյակին նվիրված գրական-երաժշտական ցերեկույթ:
Ցերեկույթին ներկա էին ԱրՊՀ ՈՒՇՀՀՏԱ գծով պրոռեկտոր Վ. Յարամիշյանը, ֆակուլտետի ղեկավար կազմը, դասախոսներ, ուսանողներ:
Ռուսաց լեզվի և գրականության ամբիոնի դասախոս Ն. Հովսեփյանը, ում նախաձեռնությամբ կազմակերպվել էր միջոցառումը, բացման խոսքում այն ներկայացրեց իբրև Կանանց մրջազգային օրվա կապակցությամբ կազմակերպված յուրահատուկ նվեր ֆակուլտետի իգական սեռի ներկայացուցիչներին:
Ցերեկույթի ընթացքում ուսանողները ներկայացրեցին Մ. Լերմոնտովի կյանքն ու գրական գործունեությունը, ասմունքեցին բանաստեղծի նրա տարբեր տարիների ստեղծագործություններ: Հնչեցին նաև Լերմոնտովի բանաստեղծությունների հիման վրա գրված երգեր:
