ԱՐՑԱԽԻ ՊԵՏԱԿԱՆ ՀԱՄԱԼՍԱՐԱՆԻ «ՇՐՋԱՆԱՎԱՐՏ»

ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆ ՆԱԽԱՁԵՌՆՈՂ ԽՄԲԻ  ՀԱՅՏԱՐԱՐՈՒԹՅՈՒՆ

Մենք, Արցախի պետական համալսարանի «Շրջանավարտ» հասարակական կազմակերպության նախաձեռնող խմբի անդամներս, հաշվի առնելով գիտության և բարձրագույն կրթության բնագավառի, միջազգային համալսարանական շարժման զարգացման միտումները, առաջնորդվելով համաշխարհային գիտակրթական գործընթացներին լիարժեք ինտեգրվելու գաղափարով, գնահատելով Արցախի պետական համալսարանի գրեթե կեսդարյա զգալի ներդրումը մեր երկրի գիտակրթական, սոցիալ-տնտեսական և հասարակական-քաղաքական համակարգի կայացման գործում, գիտակցելով Արցախի մայր բուհի հետագա զարգացման գործում նրա բազմահազար շրջանավարտների մասնակցության, ինչպես նաև սովորող երիտասարդությանը համակողմանի աջակցություն ցուցաբերելու անհրաժեշտությունը, Մայր բուհի և նրա շրջանավարտների միջև շարունակական կապն ապահովելու նպատակով հայտարարում ենք Արցախի պետական համալսարանի «Շրջանավարտ» հասարակական կազմակերպություն ստեղծելու մտադրության մասին և կոչ ենք անում Արցախի մայր բուհի բոլոր տարիների շրջանավարտներին` անդամակցել կազմակերպությանը:

Տեղեկությունների համար կարող եք դիմել. ք.Ստեփանակերտ, Մխիթար Գոշի 5, ԱրՊՀ Հանրային կապերի և լրատվության բաժին, էլ. հասցե. lratu.asu@mail.ru , հեռախոսներ. (047) 94 91 48, (097) 25 06 35.

Նախաձեռնող խումբ