ԵՐԲ ՎԿԱՅՈՒՄ ԵՆ ՕՏԱՐ ԱՂԲՅՈՒՐՆԵՐԸ

06.10

2015

 

SAM 4095 12077419 715457301919644 755979131 n

Հայկ Դեմոյանի` Արցախ կատարած այցի շրջանակներում ԱրՊՀ ճեմասրահում բացվել է «Երբ վկայում են օտար աղբյուրները» խորագրով ցուցահանդես` նվիրված Հայոց ցեղասպանության 100-րդ տարելիցին:

Հայոց ցեղասպանության թանգարան-ինստիտուտի տնօրեն Հ. Դեմոյանը այցելուներին ներկայացրել է Հայոց ցեղասպանության առնչությամբ արտասահմանյան մամուլի արձագանքներից պատառիկներ, որոնցում ուշագրավ մի փաստ չվրիպեց ներկաների աչքից: Արտասահմանյան մի շարք հեղինակավոր լրատավամիջոցներ ոչ միայն անդրադարձել են Հայոց ցեղասպանությանը, այլև ցեղասպանական գործողությունների վայրը Հայաստան անվանել, ինչը տարածաժամանակային առումով  բավականին խոսուն և անշրջանցելի փաստ է:

Ցուցադրված նմուշներում արտացոլված էին արտասահմանյան երկների իրազեկվածությունը հայ ժողովրդի նկատմամբ իրականացված ոճրագործություններին և վերջիններիս նպատակային անտարբերությունն ու լռությունը` ի շահ արտաքին քաղաքականության և տնտեսության:

Թանգարանի տնօրենը խոստացավ թանգարանի ֆոնդից որոշ նմուշներ տրամադրել  Արցախում գործող թանգարաններին: