ԱրՊՀ գրականության և լրագրության ամբիոնի պրոֆեսոր Սոկրատ Խանյանի նախաձեռնությամբ նոյեմբերի 13-ին կազմակերպել էր գիտաժողով` նվիրված բանաստեղծ, արձակագիր Ավետիք Իսահակյանի ծննդյան 140-ամյակին:
Բացելով միջոցառումը` Ս. Խանյանը համառոտ ներկայացրել է Իսահակյանի գրական գործնեությունը, որից հետո զեկույցներով հանդես են եկել 4-րդ կուրսի ուսանողները:
Ամբողջովին իսահակյանական տրամադրություն էր տիրում. Ավետիք Իսահակյան գրողին ամենքս մեզ համար վերստին և յուրովի բացահայտեցինք, ծանոթացանք նոր, արժեքավոր, անչափ հետաքրքիր և հուզական դրվագների` կապված նրա կյանքի և գործունեության հետ:
Առավել տպավորիչ էին Արցախ կատարած այցելության մասին Իսահակյանի հուշագրությունները:
Մենք`առաջին կուրսեցիներս, հանդես եկանք ասմունքով: Մի պահ կտրվել իրականությունից և տեղափոխվել էինք Իսահակյանի աշխարհ, ուր ամեն ինչ խորհրդավոր է, լի խորախորհուրդ ապրումներով:
Իբրև առաջին կուրսեցի, կարևորում եմ նման միջոցառումները: Դրանք խիստ կարևոր են այն տեսանկյունից, որ այսօրվա ուսանողը` նույն վաղվա մանկավարժն է կրելու և սերունդներին փոխանցելու հայ գրականության ոսկյա բանալին:
Մելինե Բաղիրյան
Հ. լ./գրակ. 1