Մարտի 25-ին ԱրՊՀ է այցելել Հունգարիայի Պիտեր Պազմանի կաթոլիկ համալսարանի ուսանողներից ու դասախոսներից կազմված երեսուն հոգանոց պատվիրակությունը:
Ճանաչողական այցով Արցախում գտնվող հունգարացի պատվիրակները շրջայց են կատարել համալսարանում, ծանոթացել շենքային պայմաններին և հնարավորություններն, ստորաբաժանումներին, հատկապես` հայագիտական կենտրոնի աշխատանքներին, նաև` ծաղիկներ խոնարհել համալսարանի ուսանող-ազատամարտիկների հիշատակը հավերժացնող հուշակոթողին:
ԱրՊՀ պրոռեկտորներ Վ. Յարամիշյանն ու Վ. Ավանեսյանը ողջունել են հյուրերին և անդրադարձել երկու բուհերի միջև համագործակցության խորացմանն ու ամրապնդմանը:
Պատվիրակության ղեկավար, պատմաբան, հայագետ Բալինտ Կովաչը շնորհակալություն է հայտնել ընդունելության համար և իր հերթին պատրաստակամություն հայտնել համագործակցության համար:
Հանդիպման վերջում երկու բուհերի ուսանողները հարցեր են ուղղել միմյանց և փոխանակվել էլեկտրոնային հասցեներով: