Մարտի 26-ին ԱրՊՀ-ում հյուրընկալվել էր ՀՀ փաստաբանական պալատի ներկայացուցչական կազմը` նախագահ Արա Զոհրաբյանի գլխավորությամբ:
ԱրՊՀ ռեկտոր Մանուշ Մինասյանը, բացելով հանդիպումը, երախտագիտություն է հայտնել համալսարան կատարած այցելության համար և կարևորել նման հանդիպումների դերը:
Փաստաբանական պալատի ղեկավարը ներկայացրել է կառույցի հիմնական գործառույթները, կառուցվաքը և նրա դերակատարությունը դատաիրավական համակարգում:
«Հայաստանի Հանրապետության փաստաբանների պալատը օրենքի հիման վրա ստեղծված մասնագիտական, անկախ, ինքնակառավարվող ոչ առևտրային կազմակերպություն է»,- նշել է Ա. Զոհրաբյանը:
Փաստաբանական պալատի ղեկավարի խոսքով, փաստաբաններին միավորող կառույցն իր գործնեության առանցքում դրել է կոռուպցիոն դրսևորումների դեմ պայքարի քաղաքականություն: Անդրադառնալով դատավարական ինստիտուտներին` իրավաբանական գիտությունների թեկնածուն նշել է, որ այդ համակարգի արմատները դեռևս աստվածաշնչյան առակներում էին: Այնպիսի ինստիտուտները, ինչպիսիք են վկային առանձին հարցաքննելն ու ինքնաբացարկը, հանդիպում ենք Հին կտակարանում` Դանիել մարգարեի մասին առակում:
Պատվիրակները ԱրՊՀ իրավագիտության բաժնի ուսանողներին են ներկայացրել ՀՀ փաստաբանական դպրոցի հնարավորությունները, առաքելությունը և ընդունելիության ու ուսուցման ընթացակարգը:
Հանդիպման վերջում հյուրերը պատասխանել են ուսանողների հարցերին, ծավալվել է քննարկում:
Նույն օրը, ԱրՊՀ եղբայր համալսարանների համագործակցության կենտրոնում ՀՀ փաստաբանական պալատի մամուլի քարտուղար բ.գ.թ. Ծովինար Խաչատրյանը հանդիպել է լրագրության, քաղաքագիտության և սերվիս մասնագիտության ուսանողների հետ:
Բանախոսը հանդես է եկել <<PR` որպես քաղաքական գործոն>> թեմայով դասախոսությամբ:Հանդիպումն անցել է անկաշկանդ մթնոլորտում: