Այսօր` հունիսի 7-ին, ԱրՊՀ-ում կայացել է ԱՀ Ազգային վիճակագրության ծառայության և Արցախի պետական համալսարանի համատեղությամբ իրականացված «Բուհ-գործատու հետազոտության» արդյունքների շնորհանդեսը, որին ներկա էին ԱՀ ԱՎԾ և ԱրՊՀ պատասխանատուներ, ուսանողներ:

Արցախի պետական համալսարանի տնտեսագիտության ֆակուլտետի ֆինանսահաշվային ամբիոնի վարիչ, դասախոս, տ.գ.թ., դոցենտ Նարինե Ավանեսյանի նախաձեռնությամբ տնտեսագիտության 3-րդ կուրսի ուսանողները ամփոփել են «Բանկային գործ» դասընթացը: Նրանք կատարել են թիմային աշխատանք` հանդես գալով «Բանկային նոր պրոդուկտի ներկայացում» թեմայով ընթերցումներով:

Հունիսի 4-ին ԱրՊՀ-ն մասնակցել է «Նորանկախ պետությունների համալսարանների ասոցիացիա»-ի կողմից կազմակերպված միջազգային առցանց կոնֆերանսին, որի աշխատանքները համակարգում էր ասոցիացիայի նախագահ Ստեփան Իորդանի Բերիլը: Կոնֆերանսին մասնակցում էին ասոցիացիայի անդամ երկրների` Աբխազիայի Հանրապետության, Մերձդնեստրի Մոլդովական Հանրապետության, Հարավային Օսիայի Հանրապետության և Արցախի Հանրապետության պետական համալսարանները:

Մայիսի 20-ից 25-ը ԱրՊՀ-ում անց են կացվել 2018-2019 ուսումնական տարվա ամփոփիչ ատեստավորման քննությունները, ավարտական աշխատանքների և մագիստրոսական թեզերի պաշտպանությունները: 2018-2019 ուս. տարվա ամփոփիչ ատեստավորման քննություններին մասնակցել է 674 ուսանող, որից 4-ը` նախորդ տարիներից, ընդ որում` բակալավրիատի 527 ուսանող, առկա ուսուցման համակարգում՝ 388, հեռակա ուսուցման համակարգում՝ 139 ուսանող:

ՀՊՏՀ կողմից կազմակերպված «Հաղթանակած» համաբուհական նախաձեռնության շրջանակներում Արցախի բուհերի 36 ուսանող, այդ թվում նաև ԱրՊՀ ուսանողներ, այցելել են ՀՀ մայրաքաղաք Երևան:  Եռօրյա այցի ընթացքում ուսանողները եղել են Սարդարապատում, Մայր Աթոռ Սուրբ Էջմիածնում, վայելել քաղաքամայր Երևանի ջերմ մթնոլորտը:

Արցախի պետական համալսարան են այցելել Շվեյցարիայից ժամանած «Schweizer Monat» ամսագրի լրագրողներ Ալիսիա Ռոմերոն և Լուկաս Ռուհլին, ովքեր այս օրերին Արցախում են` Արցախի մասին պատմող նյութեր պատրաստելու նպատակով: «Schweizer Monat»-ը Շվեյցարիայի ամենահին ամսագիրն է, որը հիմնադրվել է 1921թ.-ին:

 Ոչ ֆորմալ կրթության ծրագրի շրջանակում մայիսի 29-ին ԱրՊՀ մի խումբ դասախոսների և ուսանողների հետ հանդիպում է ունեցել քաղաքագետ Դավիթ Բաբայանը:

Այսօր Արցախի պետական համալսարանում տեղի է ունեցել գրող, լրագրող Նորեկ Գասպարյանի «Մրսած քամիներ կամ ծանր փախուստ» գրքի շնորհանդես-քննարկումը, որին ներկա էին գրողներ, դասախոսներ, ուսանողներ:

ԱրՊՀ տնտեսագիտության ֆակուլտետի ֆինանսներ բաժնի 3-րդ կուրսի ուսանողները ամփոփել են «Մարդկային ռեսուրսների կառավարում» դասընթացից ստացած գիտելիքները:

 Ակադեմիկոս Սերգեյ Աբրահամյանի  անվան հայոց լեզվի ամբիոնի դոցենտ, բ.գ.թ. Շուշան Սաղյանի նախաձեռնությամբ  «Հայոց լեզու և գրականություն» մասնագիտությամբ սովորող բակալավրիատի ուսանողների մասնակցությամբ կայացել է գիտական սեմինար`  «Խոսքի մշակույթի հիմունքներ» դասընթացից: