ԱՐՑԱԽԻ ՊԵՏԱԿԱՆ ՀԱՄԱԼՍԱՐԱՆ.ԳԻՏԱԺՈՂՈՎ

11.02

2014

                                                       

                                                  ԱՐՑԱԽԻ ՊԵՏԱԿԱՆ ՀԱՄԱԼՍԱՐԱՆ
2014 թվականը Արցախի պետական համալսարանի համար հոբելյանական տարի է. լրանում է համալսարանի հիմնադրման 45-ամյակը: Արցախի Մայր բուհի հոբելյանական միջոցառումների շրջանակում և Արցախյան պատերազմի զինադադարի կնքման 20-ամյակի կապակցությամբ ԱրՊՀ-ն նախատեսում է 2014թ. ապրիլի կեսերին ԵՊՀ ՈՒԳԸ հետ համատեղ անցկացնել ուսանողական գիտաժողով: Զեկուցումների թեմատիկան 1994թ. մայիսի 12-ին կնքված զինադադարն է և նրա ռազմաքաղաքական նշանակությունը:
Գիտաժողովին կարող է մասնակցել մինչև 35 տարեկան ցանկացած անձ (ուսանող, դասախոս, երիտասարդ գիտնական, զինվորական), ով առնչություն ունի ակադեմիական միջավայրի հետ և մինչև 2014թ. մարտի 28-ը ԱրՊՀ ՈՒԳԸ կներկայացնի կամ < Этот e-mail адрес защищен от спам-ботов, для его просмотра у Вас должен быть включен Javascript >էլեկտրոնային հասցեով կուղարկի սահմանված նմուշի մասնակցության հայտ (նմուշը տես ստորև):
Ներկայացվելիք զեկուցման ամբողջական տարբերակն անհրաժեշտ է համապատասխան ամբիոնի (գիտական կենտրոնի) երաշխավորագրի, իսկ ուսանողները` նաև գիտական ղեկավարի կարծիքի հետ մինչև 2014թ. ապրիլի 10-ը էլեկտրոնային կրիչով ներկայացնել ԱրՊՀ ՈՒԳԸ կամ ուղարկել < Этот e-mail адрес защищен от спам-ботов, для его просмотра у Вас должен быть включен Javascript Этот e-mail адрес защищен от спам-ботов, для его просмотра у Вас должен быть включен Javascript էլեկտրոնային հասցեով: Լավագույն զեկուցումները կտպագրվեն առանձին ժողովածուով:
Զեկուցումները հարկավոր է ներկայացնել ստորև նկարագրված պահանջներին համապատասխան:
Սիրով սպասում ենք ձեր հայտերին:

                                                                  

                                                                

                                                 ԱՐՑԱԽԻ ՊԵՏԱԿԱՆ ՀԱՄԱԼՍԱՐԱՆ
                         ԱՐՑԱԽՅԱՆ ՊԱՏԵՐԱԶՄԻ ԶԻՆԱԴԱԴԱՐԻ ԿՆՔՄԱՆ 20-ԱՄՅԱԿԻՆ

                           ՆՎԻՐՎԱԾ ԳԻՏԱԿԱՆ ՆՍՏԱՇՐՋԱՆԻ ՄԱՍՆԱԿՑՈՒԹՅԱՆ ՀԱՅՏ
Անուն, ազգանուն, հայրանուն    

1. Բուհ, գիտահետազոտական կենտրոն, հիմնարկ (ամբողջական անվանումը)    
2. Ֆակուլտետ    
3. Ամբիոն    
4. Կարգավիճակ (բակալավրիատի ուսանող, մագիստրանտ, ասպիրանտ, հայցորդ, գիտաշխատող)    
5. Մասնագիտություն և կուրս (կրթական ծրագրով ուսուցման տարի)    
6. Գիտական ղեկավարի անուն, ազգանունը, գիտական աստիճանը, կոչումը    
7. Զեկուցման (հոդվածի) ամբողջական անվանումը    
8. Էլեկտրոնային հասցե    
9. Հեռախոսահամար (բջջային)  

                                                           

                                                   ԱՐՑԱԽԻ ՊԵՏԱԿԱՆ ՀԱՄԱԼՍԱՐԱՆ
                                ԳԻՏԱԿԱՆ ՀՈԴՎԱԾԻՆ ՆԵՐԿԱՅԱՑՎՈՂ ՊԱՀԱՆՋՆԵՐԸ
Գիտական հոդվածն իր բովանդակությամբ պետք է արտացոլի հեղինակ(ներ)ի ինքնուրույն աշխատանքի արդյունքները և պարունակի գիտականորեն ընդունված ձևակերպումներ: Համակարգչային շարվածքը` Word-97-2003 ծրագրով: Ծավալը`  3-6 էջ: Տեքստի տառատեսակը. հայերեն` Arial Armenian, ռուսերեն` Arial LatRus կամ Times LatRus, անգլերեն` Times New Roman: Առաջին էջի վերին տողում (մեջտեղում) 10 pt տառաչափով, գլխատառերով, թավ (Bold) գրվում է հոդվածի վերնագիրը: Մեկ տող ներքև տողի մեջտեղում 10 pt տառաչափով տրվում են հեղինակ(ներ)ի անուն, ազգանուն(ներ)ը: Մեկ տող ներքև, տողի մեջտեղում 10 pt տառաչափով, շեղատառ (Italic) տրվում է բուհը կամ գիտահետազոտական կենտրոնը, ֆակուլտետը, կարգավիճակը (բակալավր, մագիստրատուրա, ասպիրանտուրա): Մեկ տող ներքև, 10 pt տառաչափով գրվում են գիտական ղեկավարի գիտական աստիճանը, կոչումը, անունն ու ազգանունը: Մեկ տող ներքև 10 pt տառաչափով գրվում է հեղինակի էլեկտրոնային փոստի հասցեն: Մեկ տող բաց թողնելով ներկայացվում է հոդվածի հիմնական տեքստը: Հիմնական տեքստի տառաչափը` 10 pt, տողերի հեռավորությունը` 1, էջի ֆորմատը` A4 (210 x 297 մմ), լուսանցքները. ձախից` 30 մմ, վերևից` 20 մմ, աջից` 15 մմ, ներքևից` 20 մմ: Տեքստը պետք է հավասարեցված լինի երկու կողմից (alignment: Justify): Պարբերությունները` 1 սմ խորքից` TAB-ի կիրառմամբ:
Հղումները պարտադիր են, տրվում են տողատակում (բնական և տեխնիկական գիտությունների դեպքում` հոդվածի բուն տեքստից հետո <<Գրականություն>> վերտառությամբ)` 8 pt տառաչափով, տողերի հեռավորությունը` 1: Հղման տեքստը հավասարեցվում է երկու կողմից (alignment: Justify): Հղման մեջ պետք է ներկայացված լինեն հեղինակի ազգանունը և անվան առաջին տառը (թավ տառերով` Bold), այնուհետև` աշխատանքի վերնագիրը, հրատարակման վայրը, թվականը, օգտագործած հղման էջը:
Ռուսերեն և անգլերեն սեղմագրերը պարտադիր են. հոդվածի տեքստից մեկ տող հետո մեջտեղում 10 pt տառաչափով, գլխատառերով, թավ (Bold) ռուսերենով գրվում է հոդվածի վերնագիրը: Մեկ տող ներքև տողի մեջտեղում 10 pt տառաչափով տրվում են հեղինակ(ներ)ի անուն, ազգանուն(ներ)ը: Այնուհետև 5-15 տողի սահմաններում ներկայացվում է հոդվածի էությունը: Նույն կարգով ներկայացվում է անգլերեն սեղմագիրը: Օտարալեզու հոդվածների դեպքում պարտադիր է հայերեն սեղմագրի առկայությունը:
Հոդվածին պարտադիր կցվում են գիտական ղեկավարի կարծիքը և համապատասխան ամբիոնի վարիչի կամ գիտական կենտրոնի կողմից տրված երաշխավորագիրը: Եթե հոդվածը ներկայացվում է էլեկտրոնային փոստով, ապա անհրաժեշտ է ուղարկել նաև երաշխավորագրի սկանավորված տարբերակը:
Վերը նշված չափորոշիչներին չհամապատասխանող հոդվածները չեն տպագրվելու:

 

 
ՆՎԻՐՎԱԾ ՀԱՅՈՑ ԶԻՆՎԱԾ ՈՒԺԵՐԻ ԿԱԶՄԱՎՈՐՄԱՆ ՏԱՐԵԴԱՐՁԻՆ

03.02

2014

               DSC02097   DSC02076  SAM 3588

Ամեն մի պետության ամենահզոր և կարևորագույն գործիքը բանակն է` անկախ պետության ձևից և կառուցվածքից: Դարեր շարունակ պետականությունից զրկված հայ ժողովրդի աչքում զինվորի կերպարը միշտ էլ առանձնահատուկ նշանակություն է ունեցել: Անկասկած, ազատ ու անկախ մեր պետության բանակի հանդեպ էլ հասարակությունը լցված է հավատով ու հույսով` նրա մեջ տեսնելով անկախ պետականության միակ և հուսալի երաշխավորին:

Մանրամասն...
 
ՀԱՄԱԼՍԱՐԱՆԻ ՈՒՍԱՆՈՂԸ ԵՐԿՐԻ ԿԱՅՈՒՆ ԶԱՐԳԱՑՄԱՆ ԳՐԱՎԱԿԱՆՆ Է

28.01

2014

                   DSC00135     DSC00127

Հունվարի 27-ին տեղի ունեցավ Արցախի պետական համալսարանի խորհրդի նիստը, որին հրավիրված էին համալսարանի գիտական խորհրդի անդամները, պրոֆեսորադասախոսական կազմը և ուսանողության ակտիվը: Այն վարում էր ԱրՊՀ խորհրդի նախագահ, ԼՂՀ վարչապետ Արա Հարությունյանը:
Նիստի աշխատանքներին ներկա էին ԼՂՀ Նախագահի աշխատակազմի ղեկավար, Անվտանգության խորհրդի քարտուղար Մարատ Մուսայելանը, կրթության և գիտության նախարար Սլավա Ասրյանը:

Մանրամասն...
 
ՑԱՎ ԵՎ ՀՊԱՐՏՈՒԹՅՈՒՆ. ԱՐՑԱԽԸ ՍԳՈՒՄ Է ՔԱՋԱՐԻ ԶԻՆՎՈՐԻ ՄԱՀԸ

23.01

2014

           patarag      patar

Հունվարի 22-ին ԱրՊՀ ուսանողությունը հազարավոր ստեփանակերտցիների հետ միասին մասնակցեց ղարաբաղա-ադրբեջանական շփման գծում ադրբեջանական դիվերսիոն խմբի հարձակման հետևանքով զոհված զինծառայող, կրտսեր սերժանտ Արմեն Հովհաննիսյանի հոգեհանգստի արարողությանը:

Մանրամասն...
 
ԱՎԵՏԻՔ ՀԱՐՈՒԹՅՈՒՆՅԱՆԸ` ՄԻՋԱԶԳԱՅԻՆ ՄՐՑՈՒՅԹԻ ՀԱՂԹՈՂ

21.01

2014

                                avetikhar          Avetik001

Արցախի պետական համալսարանի իրավունքի ամբիոնի դասախոս, ՀՀ երիտասարդական խորհրդարանի պատգամավոր, ԼՂՀ Նախագահի աշխատակազմի աշխատակից Ավետիք Համլետի Հարությունյանը դարձել է երիտասարդ իրավաբան-գիտնականների «Իրավաբանական IQ» երկրորդ միջազգային մրցույթի հաղթողը, որն անց է կացվել Ռուսաստանի Դաշնության Կրասնոյարսկ քաղաքում:

Մանրամասն...
 
ՆՈՐ ՁԵՎԱՎՈՐՎԱԾ ԳԻՏԽՈՐՀՐԴԻ ԱՆԴՐԱՆԻԿ ՆԻՍՏԸ

26.12

2013

Դեկտեմբերի 25-ին տեղի ունեցավ Արցախի պետական համալսարանի գիտական խորհրդի նիստը` բավականին հագեցած օրակարգով:
Հարկ է նշել, որ սա նոր ձևավորված գիտխորհրդի անդրանիկ նիստն է. նախկին խորհուրդը, ինչպես տեղեկացրեց ԱրՊՀ ռեկտոր, գիտխորհրդի նախագահ Մանուշ Մինասյանը, լուծարվել է` պաշտոնավարման ժամկետը լրանալու կապակցությամբ: Գիտխորհրդի նոր կազմը ձևավորվել է դեկտեմբերի սկզբին` գործող կանոնակարգի համաձայն. ի պաշտոնե ներգրավված անդամներ, ընտրովի անդամներ և ռեկտորի կողմից ներկայացված թեկնածուներ:

Մանրամասն...
 
ՀԱՆԴԻՊՈՒՄ ԱՊԱԳԱ ՏՆՏԵՍԱԳԵՏՆԵՐԻ ՀԵՏ

25.12

2013

                    IMG 0886          IMG 0890

ԼՂՀ վարչապետ Արա Հարությունյանի հանդիպումներն Արցախի պետական համալսարանի տնտեսաիրավաբանական ֆակուլտետի ուսանողների և դասախոսների հետ ավանդական բնույթ են կրում: Դեկտեմբերի 24-ին կառավարության նիստերի դահլիճում մայր բուհի ապագա տնտեսագետների հետ կայացած հանդիպումն այդ շարքից էր: Ներկա էին ԱրՊՀ ռեկտոր Մանուշ Մինասյանը, ԼՂՀ ազգային վիճակագրության ծառայության նախագահ Կարեն Ներսիսյանը:

Մանրամասն...
 
ԳԻՏԱԿԱՆ ԸՆԹԵՐՑՈՒՄՆԵՐ ԱՐՑԱԽԻ ՄԱՅՐ ԲՈՒՀՈՒՄ

23.12

2013

  7777

Բարձրագույն կրթության ոլորտում ներդրված կրեդիտային համակարգում առանցքային տեղ է զբաղեցնում դասախոսների ղեկավարությամբ ուսանողների կողմից գիտական աշխատանքների կատարումը:

Դեկտեմբերի 23-ին Արցախի պետական համալսարանի տնտեսաիրավաբանական ֆակուլտետի նախաձեռնությամբ կազմակերպված գիտական ընթերցումների նպատակն ուսանողների տեսական գիտելիքներն ու վերլուծական միտքը զարգացնելն է: Միջոցառմանը ներկա էին ԼՂՀ վարչապետ Արա Հարությունյանը, գյուղատնտեսության նախարար Անդրանիկ Խաչատրյանը, արտադրական ենթակառուցվածքների նախարար Հակոբ Ղահրամանյանը, կառավարության անդամներ, հանրապետության սոցիալ-տնտեսական ոլորտի պատասխանատուներ:

Մանրամասն...
 
ԼԻՆԵԼ ՆԱԽԱՁԵՌՆՈՂ ԵՎ ՀԵՏԱՔՐՔԻՐ ԴԱՐՁՆԵԼ ՈՒՍԱՆՈՂԱԿԱՆ ԱՌՕՐՅԱՆ

21.12

2013

Հաշվետու է ԱրՊՀ ուսանողական ակտիվը
Դեկտեմբերի 20-ին Արցախի պետական համալսարանի ուսանողական վարչությունը գումարեց իր ամենամյա կոնֆերանսը, որին ներկա էին համալսարանի ռեկտոր Մանուշ Մինասյանը, դասախոսներ, հրավիրվածներ: Միջոցառման նպատակն է վեր հանել ուսանողներին հուզող հրատապ հարցերը, քննարկել և գնահատական տալ ուսվարչության մեկ տարվա կատարած աշխատանքին, ինչպես նաև` նախանշել գալիք տարվա անելիքները: 
Կոնֆերանսի աշխատանքները մեկնարկեցին Արցախի մայր բուհի օրհներգով:

Մանրամասն...
 
ԱՐՊՀ ՌԵԿՏՈՐ ՄԱՆՈՒՇ ՄԻՆԱՍՅԱՆԻ ՈՒՂԵՐՁԸ` ԱՄԱՆՈՐԻ ԵՎ ՍՈՒՐԲ ԾՆՆԴԻ ԱՌԹԻՎ

19.12

2013

 Սիրելի համալսարանականներ

 Պատմության գիրկն է անցնում 2013 թվականը: Տարեմուտը հրաժեշտի ու դիմավորման ջրբաժանին ամեն անգամ հուշում է` հետադարձ հայացք նետել հեռացող տարվան ու փորձել գնահատել, թե ինչ տվեց այն մեզ, ինչ ենք թողել այնտեղ` անցյալում: Մեզանից յուրաքանչյուրը պետք է քաջ գիտակցի, որ անցնող տարում արձանագրված հաջողություններն ու ձեռքբերումները դեռևս չեն կարող գոհացնել մեզ, քանզի անելիքները բազում են, ծրագրերը` շատ: Օրվա հրամայականն է` վերափոխվել որակապես` նոր մտահղացումներով, ուսանողակենտրոն տեսլականով: Համոզված եմ, որ 2014-ին համատեղ աշխատանքով մենք նոր նվաճումների կհասնենք` սկսելով իրականացնել նպատակասլաց բարեփոխումներ` բուհի գործունեությունը ժամանակի պահանջներին համապատասխանեցնելու ուղղությամբ: Ուստի, եկող տարին մեզնից կպահանջի ջանքերի կենտրոնացում, ակտիվ գործունեություն, ուժերի ու կարողությունների համախմբում: Վստահ եմ, որ մենք ունենք բոլոր հնարավորությունները` անշեղորեն կատարելու մեր առջև դրված ցանկացած խնդիր: Լծվենք գործի, կարողանանք զինվել համբերությամբ` մեր համառությունը զորավիգ դարձնելով մեզ:

Սիրելի գործընկերներ, աշխարհի բոլոր ժողովուրդները նոր տարին դիմավորում են բարի հույսերով, մտահղացումներն իրականացված տեսնելու ցանկությամբ: Հետևենք ընդհանուր այս կարգին, թեթև սրտով հրաժեշտ տանք հին տարուն և բարի գալուստ մաղթենք նորին` 2014-ին: Մաղթում եմ, որ այն լինի հուսո, փոխըմբռնման, ազատ և անկախ ապրելու մեր վճռականության, Արցախի խաղաղ ու երջանիկ ապագայի կերտման տարի:

Շնորհավոր Նոր տարի և Սուրբ Ծնունդ: Թող 2014-ը ձեր ընտանիքներին բերի երջանկություն և բարեկեցություն, ձեր սրտերը լցնի ջերմությամբ ու խինդով:

Բարին ընդ ձեզ…

 
<< < 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 > >>