Արցախի պետական համալսարանի գիտխորհրդի հերթական նիստը, որ կայացավ մայիսի 30-ին, սովորականներից չէր և այլ ձևաչափ ուներ. նիստին ներկա Վանաձորի Հովհ.Թումանյանի անվան պետական համալսարանի պատվիրակությունը` ռեկտոր Գուրգեն Խաչատրյանի գլխավորությամբ, եկել էր փոխգործակցության պայմանագիր ստորագրելու, երկու բուհերի միջև համագործակցությունը սերտացնելու և այդ ուղղությամբ նոր քայլեր սկսելու նպատակով:

ԳԱԼԱ ՀԱՄԵՐԳ - 2014
Արբշիռ գույներով ներբողելով մայր բնությունը, և հերթական անգամ հյուրընկալվելով Արցախի պետական համալսարանի հարկի տակ, գարունը նոր շունչ հաղորդեց բոլոր նրանց, ովքեր պատրաստ էին հավուր պատշաճի զգալ նրա արբեցնող հմայքը: Առավել ևս նրանք, որոնց համար գարունն իրոք խորհրդավոր է և անկրկնելի, քանզի այն տոն է պարգևում կրթական օջախի յուրաքանչյուր ուսումնատենչ ուսանողի:

Մայիսի 26-ին Արցախի մայր բուհում զորակոչային տարիքի ուսանողների հետ կայացած հանդիպումը, որ նախաձեռնել էին համալսարանն ու «Կաճառ» գիտական կենտրոնը, մեկ նպատակ էր հետապնդում. ապագա զինծառայողներին հնարավորինս տեղեկացնել բանակում գործող կարգուկանոնին, սահմանադրական օրենքներին` զինվորական կյանքին ու նոր միջավայրին հեշտ ու արագ հարմարվելու համար: Իսկ այդ ամենը ներկայացնելու և բանակային խնդիրներին ծաոթացնելու համար մայր բուհ էին այցելել ԼՂՀ պաշտպանության բանակի հրամանատարի ԱՀՏԱ գծով տեղակալ, գեներալ-մայոր Վարդան Բալայանը և Ստեփանակերտի տարածքային զինկոմիսարիատի զինվորական կոմիսար Ստեփան Օհանջանյանը:

Մայիսի 19-ին Արցախի պետական համալսարանում մեկնարկել են 2013-2014 ուսումնական տարվա ամփոփիչ ատեստավորման քննությունները, ինչպես նաև` ավարտական աշխատանքների ու մագիստրոսական թեզերի պաշտպանությունը: Ինչպես տեղեկացրեց ԱրՊՀ ուսումնական աշխատանքների գծով պրոռեկտոր Գեորգի Սահակյանը, այս տարի մայր բուհը կունենա 412 շրջանավարտ` 362 բակալավր և 50 մագիստրոս` ինչպես առկա, այնպես էլ հեռակա ուսուցման բաժիններից (28 մասնագիտությունների գծով):

Մայիսի 21-ին Արցախի պետական համալսարանի ռուսաց լեզվի ամբիոնին կից <<Ռուսական մշակույթի ընկերության կենտրոնը>> հյուրընկալեց ռուսաստանցի գրող և կինոդրամատուրգ, հայագետ Կիմ Նաումի Բակշիին:

Մայիսի 17-ին ԱրՊՀ տարբեր ֆակուլտետներից մի խումբ ուսանողներ` Ուսանողների, շրջանավարտների և հասարակայնության հետ տարվող աշխատանքների գծով պրոռեկտոր Վ.Յարամիշյանի գլխավորությամբ մասնակցեցին դեպի Տիգրանակերտ կատարված արշավին:

Մայիսի 14-ին ԱրՊՀ գիտխորհրդի նիստերի դահլիճում տեղի ունեցավ <<Քրեական դատավարության բարեփոխումները ՀՀ-ում>> թեմայով սեմինար-քննարկում, որը կազմակերպվել էր <<Քրեական արդարադատություն>> գիտավերլուծական խորհրդի նախագահ, հայ-ռուսական և հայ-ֆրանսիական համալսարանների դասախոս, իրավագիտության դոկտոր Արթուր Ղամբարյանի և ԱրՊՀ Ուսանողական գիտական ընկերության նախագահ, իրավունքի ամբիոնի դասախոս Ավետիք Հարությունյանի կողմից:

    Արցախի պետական համալսարանում սկսված է առկա ուսուցմամբ 2014/2015 ուսումնական տարվա ընդունելություն հետևյալ մասնագիտությունների գծով.
1.    Մաթեմատիկա: Համակարգչային գիտություններ
2.    Ինֆորմատիկա և կիրառական մաթեմատիկա
3.     Ֆիզիկա
4.    Քիմիա
5.    Կենսաբանություն
6.    Աշխարհագրություն
7.    Դեղագործական քիմիա
8.    Քաղաքագիտություն
9.    Պատմություն
10.    Իրավագիտություն
11.    Լրագրություն
12.    Հայոց լեզու և գրականություն
13.    Անգլերեն լեզու և գրականություն
14.    Ռուսաց լեզու և գրականություն
15.    Նախազորակոչային և ֆիզիկական պատրաստություն
16.    Ֆիզիկական կուլտուրա և սպորտ
17.    Կերպարվեստ և գծագրություն
18.    Հոգեբանություն
19.    Մանկավարժություն և մեթոդիկա (Տարրական կրթության)
20.    Տնտեսագիտության տեսություն
21.    Ֆինանսներ
22.    Հաշվապահական հաշվառում
23.    Կառավարման տեղեկատվական համակարգեր
24.    Էլեկտրաէներգետիկա
25.    Հեռահաղորդակցություն
26.    Շինարարություն, շինարարական իրերի և կառուցվածքների արտադրություն
27.    Օգտակար հանածոների հետազոտում և մշակում
          Փաստաթղթերն ընդունվում են ս.թ. մայիսի 5-ից մինչև մայիսի 31-ը:
    Օտարերկրացիների, օտարերկրյա պետությունների ուսումնական հաստատությունները տվյալ ուսումնական տարում ավարտած ԼՂՀ քաղաքացիների, նույն տարվա գարնանային զորակոչից զորացրված դիմորդների, նախնական մասնագիտական (արհեստագործական) և միջին մասնագիտական ուսումնական հաստատությունների տվյալ տարվա շրջանավարտների փաստաթղթերը ընդունվում են հունիսի 25-ից 30-ը:
Տեղեկությունների համար զանգահարել հետևյալ
հեռախոսահամարով (047) 94-91-50

Մայիսյան եռատոնի կապակցությամբ մեր հանրապետությունում ձևավորված գեղեցիկ ավանդույթի համաձայն արիության դասեր են անցկացվում հանրապետության ուսումնական հաստատություններում: Արցախի ամենախոշոր կրթական հաստատությունում` մայր բուհում մայիսի 8-ին տեղի ունեցած արիության դասն անցկացրեց ԼՂՀ պաշտպանության նախարար, Պաշտպանության բանակի հրամանատար, գեներալ-լեյտենանտ Մովսես Հակոբյանը: Համալսարանականների հյուրն էր նաև Կրթության և գիտության նախարար Սլավա Ասրյանը:

Ապրիլի 30-ին Արցախի պետական համալսարանի ռեկտոր Մանուշ Մինասյանի հրավիրած մամուլի ասուլիսի նպատակը մայր բուհի վերջին իրադարձություններին լրատվամիջոցներին իրազեկելն էր: Ներկայացնելով դրանք` հանրապետության մայր բուհի ղեկավարը պատասխանեց նաև լրագրողների հարցերին: