ՃԱՆԱՉՎԱԾ ԹՈՒՐՔԱԳԵՏԸ ԱրՊՀ-ՈՒՄ

29.12

2015

SAM 5800  SAM 5772  SAM 5788

 

Դեկտեմբերի 25-ին «Սոցիալական արդարություն» կուսակցության ղեկավար Կարեն Օհանջանյանի նախաձեռնությամբ ԱրՊՀ մի խումբ դասախոսների և ուսանողների հետ հանդիպում է ունեցել պ.գ.դ., ակադեմիայի թղթակից անդամ, թուրքագետ Ռուբեն Սաֆրաստյանը:

Հանդիպմանը ներկա էին ԼՂՀ արդարադատության նախարար Արարատ Դանիելյանը, ԱրՊՀ ռեկտոր Մանուշ Մինասյանը,  «Սոցիալական արդարություն» կուսակցության ղեկավար Կարեն Օհանջանյանը, հյուրեր:

Բացելով հանդիպումը` ԱրՊՀ ռեկտոր Մ. Մինասյանը շնորհակալություն է հայտնել Կ. Օհանջանյանին նախաձեռնության համար և հույս հայտնել, որ այդպիսիք շարունակական կլինեն:

Ռուբեն Սաֆրաստյանը հանդես է եկել դասախոսությամբ, որի շրջանակներում անդրադարձել է Հայոց ցեղասպանության վերաբերյալ Թուրքիայի ժխտողական քաղաքականությանը,  հայ-թուրքական արձանագրություններին, Մերձավոր Արևելքում տիրող իրավիճակին, Իսլամական պետությանը և այլն:

Խոսելով ժամանակակից Թուրքիայի աշխարհաքաղաքական մտածողության մասին` թուրքագետը ներկայացրել է թուրքական դիվանագիտության առանցքային ուղղությունները, վարչապետ Ռ. Էրդողանի վարած քաղաքականությունը, վերջինիս կողմից մշակված դիվանագիտական կարգախոսը, Թուրքիայի աշխարհագրական դիրքը և այլն:

Զուգադրելով երկու եղբայրական երկրների` Թուրքիայի և Ադրբեջանի քաղաքական մարտավարությունը` Սաֆրաստյանը Թուրքիան համեմատել է միջնադարյան ամրոցի հետ. այն շրջապատված է մի կողմից լեռներով, մյուս կողմից` ջրային տարածությամբ և երրորդ կողմից` տափաստանային ու իշխող դիրք ունի հարակից տարածքների նկատմամբ: Ադրբեջանը, չնայած ոչ բարեհաջող աշխարհագրական դիրքին, Թուրքիայի նկատմամբ գերիշխող է  նավթի և գազի պաշարներով, որը հաճախ է վիճաբանությունների տեղիք տալիս եղբայր ժողովուրդների միջև:

Պատմաբանը անդրադարձել է նաև Էրդողանի` որպես քաղաքական գործչի կերպարին: Սաֆրաստյանը Էրդողանին բնութագրել է որպես անկանխատեսելի քաղաքական գործչի, ով հաճախ է վրիպում ամբիցիոզ բնավորության և անհեռանկար հավակնությունների շնորհիվ: Այնուամենայնիվ, բանախոսը չի ժխտել, որ վերջինիս քաղաքական դաշտ մտնելուց հետո Թուրքիայի հատկապես ներքին կյանքը բավականին աշխուժացել է: Նույնը չի կարելի  ասել, սակայն, արտաքին կյանքի մասին: «Թուրքիայում նկատում ենք զարգացող տնտեսություն, բանկային լուրջ համակարգ և այլն, սակայն, որպես այդպիսին, Թուրքիան արտաքին հարաբերություններում հեղինակություն չվայելող երկիր է»,- նշել է Ռ. Սաֆրաստյանը:

Խոսելով Հայաստանի նկատմամբ Թուրքիայի վարած քաղաքականության և հայ-թուրքական հարաբերությունների մասին` Ռ. Սաֆրաստյանն առաջին հերթին նշել է Հայոց ցեղասպանության վերաբերյալ Թուրքիայի դրսևորած ժխտողական քաղաքականությունը: Թուրքագետն այն կարծիքին է, թե առաջիկայում Թուրքիայի կողմից ցեղասպանության ընդունման վերաբերյալ դրական տեղաշարժեր ակնկալելը միամտություն կարող է լինել: «Այսօրվա թուրքական քաղաքական էլիտան այն համոզմունքն ունի, որ Հայոց ցեղասպանության ճանաչման դեպքում թուրքը կդիտվի որպես ցեղասպան ժողովուրդ, ինչի համար այսօրվա ղեկավար մարմինները կդատապարտվեն սերունդների կողմից: Իսկ սա նշանակում է, որ չկա ռացիոնալ մոտեցում»,- ասել է նա:

Եթե ժամանակ առաջ թուրքիան ոչ մի կերպ չէր արձագանքում Հայոց ցեղասպանության ճանաչման վերաբերյալ կոչերին, ապա այսօր նա բացահայտ լկտիություն է դրսևորում այդ կապակցությամբ. Հայոց ցեղասպանության 100-րդ տարելիցին թուրքական իշխանությունները որոշում են նշել Գալիպոլիի ճակատամարտի տարելիցը` տոնակատարություններին մասնակցելու հրավիրելով աշխարհի առաջնորդներին, այդ թվում` ՀՀ նախագահ Սերժ Սարգսյանին, ինչը որակել կարելի է ոչ այլ կերպ, քան սանդրանք: Ըստ այդմ, Սաֆրաստյանը եզրակացնում է. «Հայ-թուրքական հարաբերությունների հարթման համար հիմքեր չկան, և դա այն պատճառով, որ Թուրքիան պատրաստ չէ զիջումների գնալ»:

Ռ. Սաֆրաստյանը դասախոսության շրջանակներում անդրադարձել է նաև Իսլամական պետությանը, պարզաբանումներ արել դրա կազմավորման, զարգացման և հետագա քայլերի վերաբերյալ:

Դասախոսությունից հետո Ռ. Սաֆրաստյանը պատասխանել է ներկաների հարցերին, ծավալվել է քննարկում:

 

 

 

 
ԳԻՏԽՈՐՀՐԴԻ ՏԱՐԵՎԵՐՋՅԱՆ ՆԻՍՏ

29.12

2015

Դեկտեմբերի 24-ին տեղի է ունեցել ԱրՊՀ Գիտական խորհրդի ընթացիկ տարվա վերջին նիստը:

Մանրամասն...
 
ՀԶՈՐ ԵՆՔ ՄԻԱՍԻՆ

29.12

2015

SAM 5724 SAM 5740

Դեկտեմբերի 25-ին ԱրՊՀ դասախոսներն ու ուսանողները մասնակցել են ՊՆ առընթեր հասարակական խորհրդի նախաձեռնած տոնական ակցիային, որի շրջանակներում հանրակրթական և բարձրագույն ուսումնական հաստատությունների ներկայացուցիչները միաժամանակ եղել են սահմանի տարբեր հատվածներում:

 
ԼՐԱԳՐՈՒԹՅԱՆ ԲԱԺԻՆԸ ՏՈՆՈՒՄ Է ՀԻՄՆԱԴՐՄԱՆ 17-ԱՄՅԱԿԸ

24.12

2015

Դեկտեմբերի 22-ին ԱրՊՀ լրագրության բաժնի հիմնադրման 17-ամյակի կապակցությամբ գրականության և լրագրության ամբիոնի դասախոս, բ.գ.թ. Շուշան Ասկարյանի նախաձեռնությամբ կազմակերպվել էր ուսանողական գիտական ընթերցումներ:

Մանրամասն...
 
ՄԱՐԴՈՒ ԻՐԱՎՈՒՆՔՆԵՐԸ ՊԵՏՔ Է ՊԱՇՏՊԱՆՎԵՆ ՕՐԵՆՔԻ ԻՇԽԱՆՈՒԹՅԱՄԲ

24.12

2015

Դեկտեմբրի 22-ին ԱրՊՀ իրավունքի ամբիոնի դասախոս, ԼՂՀ վերաքննիչ դատարանի դատավոր Հասմիկ Խաչատրյանի նախաձեռնությամբ կազմակերպվել էր ուսանողական գիտաժողով` նվիրված ԼՂՀ-ում մարդու իրավունքների պաշտպանության իրականացման գործընթացին:

Մանրամասն...
 
ԱրՊՀ ՄԻ ԽՈՒՄԲ ՈՒՍԱՆՈՂՆԵՐ ԽՐԱԽՈՒՍՎԵԼ ԵՆ ՇՆՈՐՀԱԿԱԼԱԳՐԵՐՈՎ

24.12

2015

banak1 banak

Դեկտեմբերի 22-ին ԱրՊՀ նախազորակոչային տարիքի և պարտադիր ժամկետային զինծառայություն անցած ուսանողների հետ հանդիպում են ունեցել ԼՂՀ զինվորական կոմիսարն ու ՊԲ ռազմահայրենասիրական դաստիարակության և հասարակական կազմակերպությունների հետ կապերի բաժնի պետը:

Մանրամասն...
 
ՓՈՐՁՈՒՍՈՒՑՈՒՄԸ` ՄԱՍՆԱԳԻՏԱԿԱՆ ԿՐԹՈՒԹՅԱՆ ԲԱՂԱԴՐԻՉ

24.12

2015

Փորձուսուցումը  համարվում է մասնագիտական կրթության բաղկացուցիչ մասերից մեկը: Այն հնարավորություն է տալիս անմիջական կապ ստեղծելու ուսանողի տեսական պատրաստվածության  և նրա ապագա մասնագիտական գործունեության միջև:

Մանրամասն...
 
ՖԻԶԻԿԱՊԵՍ ԵՎ ՀՈԳԵՊԵՍ ԱՌՈՂՋ ՍԵՐՈՒՆԴ

09.12

2015

nkar

Դեկտեմբերի 9-ին ԱրՊՀ սպորտդահլիճում կազմակերպվել էր  «Ուրախ մեկնարկ» խաղ-մրցույթը:

Մանրամասն...
 
ԼՂՀ ԳԼԽԱՎՈՐ ԴԱՏԱԽԱԶԸ ՀԱՆԴԻՊԵԼ Է ԱՊԱԳԱ ԻՐԱՎԱԳԵՏՆԵՐԻ ՀԵՏ

09.12

2015

SAM 5319 SAM 5327

Դեկտեմբերի 9-ին ԼՂՀ գլխավոր դատախազ Արթուր Մոսիյանը հանդիպել է ԱրՊՀ իրավագիտության բաժնի  ուսանողների և դասախոսների հետ:

Մանրամասն...
 
Ի ԳԻՏՈՒԹՅՈՒՆ

09.12

2015

Սիրելի' ուսանողներ, ուրախ ենք հայտնելու, որ ԱրՊՀ պաշտոնական կայքէջում (asu.am) կարող են տեղ գտնել նաև Ձեր ստեղծագործությունները:

 

Ցանկացողները կարող են էլեկտրոնային տարբերակով նյութեր ներկայացնել ՈւՀՏԱ, ՀԿ և Լ բաժնի հեռուստաստուդիա (ԱրՊՀ 3-րդ մասնաշենք, 3-րդ հարկ): Լավագույն աշխատանքները կտպագրվեն «Քո ժամանակը» ուսանողական թերթում:

«Ուսանողական էջ» կարող եք մուտք գործել հետևյալ հղումով` http://www.asu.am/index.php?option=com_content&view=category&layout=blog&id=26&Itemid=203&lang=am:

 
<< < 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 > >>