Նոյեմբերի 17-ին ԱրՊՀ ֆինանսահաշվային ամբիոնի վարիչ, տ.գ.թ., դոցենտ Նարինե Ավանեսյանի նախաձեռնությամբ Վ. Ջահանգիրյանի անվան համար 11 ավագ դպրոցում կազմակերպվել էր դասախոսություն-քննարկում` նվիրված խնայողությունների միջազգային օրվան:
Տնտեսագիտության ֆակուլտետի ֆինանսներ բաժնի երկրորդ և չորրորդ կուրսի ուսանողները բնագիտական և հումանիտար հոսքերում ընթերցված դասախոսություններից հետո քննարկումներ են ծավալել աշխարհում տարածված խնայողության եղանակների և մեթոդների շուրջ:
«Աշակերտները մեծ ոգևորությամբ լսեցին դասախոսությունը, ապա հարցեր ուղղեցին մեզ, որոնք կապված էին ինչպես մեր կողմից ներկայացված թեմաների, այնպես էլ համալսարանական առօրյայի հետ»,- ասում են բանախոս-ուսանողները: