ԿԱՅԱՑԱՎ ԻՆՏԵԼԵԿՏՈՒԱԼ ԽԱՂ` «ԻՐԱԶԵԿ ՈՒՍԱՆՈՂ» ԽՈՐԱԳՐՈՎ

07.12

2017

 

IMG 1125   IMG 1129

IMG 1152   IMG 1179

Օրերս բանասիրական ֆակուլտետում կազմակերպվեց «Իրազեկ ուսանող» խորագրով ինտելեկտուալ խաղ, որը նախաձեռնել էր ֆակուլտետի ուսանողական խորհուրդը, իսկ իրականացմանն աջակցել է ֆակուլտետի դեկան Լ.Մարգարյանը:

ԱրՊՀ-ում սովորող յուրաքանչյուր ուսանող ունի որոշակի իրավունքներ, պարտականություններ, որոնց իմացությունը և խելացի ու մտածված, ինչպես նաև տեղին կիրառումը ցանկալի է, ինչու ոչ, նաև պարտադիր: Խաղը նպատակ ուներ պարզել, թե ուսանողները որքանով են տիրապետում իրենց իրավունքներին, պարտականություններին: Մրցույթին մասնակցում էր 9 թիմ, թվով 63 մասնակից: Խաղը բաղկացած էր 3 փուլից, յուրաքանչյուր փուլ ներառում էր 12 հարց՝ 10 հարցը վերաբերում էր ուսանողների իրավունքներին, պարտականություններին, 2-ը՝ ինտելեկտուալ հարց: Յուրաքանչյուր փուլի ավարտից հետո ուսանողները ներկայացրել են մշակութային համարներ: Արդյունքում  1-ին տեղը զբաղեցրել է "Fighters" թիմը (անգլերեն լեզու և գրականություն 2-րդ կուրս), 2-րդ տեղ՝ «Իրավունք» թիմը (հայոց լեզու և գրականություն 3-րդ կուրս), 3-րդ տեղ՝ «Նոր ալիք» թիմը (անգլերեն լեզու և գրականություն 1-ին կուրս):Մրցանակային տեղ զբաղեցրած թիմերը արժանացել են պատվոգրերի:

Աննա Ահարոնյան

Լրագրություն 2-րդ կուրս