Փետրվարի 20-ից ԱրՊՀ-ում մեկնարկել է «Վերլուծական հմտությունների զարգացում» թեմայով հանրային դասընթացը, որը վարում է Երևանի պետական համալսարանի միջազգային հարաբերությունների ֆակուլտետի ասպիրանտ, Արցախի կառավարության աշխատակից Էդգար Էլբակյանը:
Դասընթացի շրջանակներում բանախոսության և ինտերակտիվ քննարկումների միջոցով կարծարծվեն ներքոբերյալ թեմաները՝
• փաստարկման տեսություն,
• քննական մտածողություն,
• «մի՞ֆ, թե՞ գիտելիք»․ գիտելիքի ու իմացության աղբյուրներ,
• մեդիագրագիտություն,
• «տեքստ և կոնտեքստ»․ քննական աշխատանք գրավոր տեքստերի հետ,
• մտածողական սխալանքներ (cognitive biases) և կանխակալություններ (prejudices),
• ստեղծագործական մտածողություն (creative thinking),
• խնդիրների սահմանման և լուծման (problem identification and solution) արդյունավետ մեխանիզմներ։
Դասերը ուղեկցվում են գործնական առաջադրանքներով և անհրաժեշտ ընթերցանության նյութերով։
Դասընթացը բաց է ԱրՊՀ բոլոր մասնագիտությունների ուսանողների համար։