Հունվարի 17-ին տեղի ունեցավ Արցախի պետական համալսարանի գիտական խորհրդի հերթական նիստը,որի օրակարգի առանցքային հարցը ռեկտոր Ստեփան Դադայանի 2010-2011 ուսումնական տարվա հաշվետվությունն էր:
Գիտխորհուրդի նիստը հավանություն տվեց ռեկտորի հաշվետվությանը: Նիստի մասնակիցները լսեցին նաև ԱրՊՀ գլխավոր հաշվապահ Գոհար Սարգսյանի հաշվետվությունը` 2011թ. ֆինանսական տարվա և 2012թ. նախահաշվի նախագծի մասին, ինչը նույնպես արժանացավ նիստի մասնակիցների հավանությանը: Ելույթ ունեցան նաև ԱրՊՀ քիմիայի և կենսաբանության ֆակուլտետի դեկան Վոլոդյա Միրզոյանը, ԱրՊՀ հայ բանասիրության և լրագրության ֆակուլտետի դեկան Հովիկ Մուսայելյանը, ԱրՊՀ մանկավարժության ֆակուլտետի դեկան Արզիկ Մխիթարյանը և ԱրՊՀ ուսխորհուրդի անդամ Ինգա Ավագյանը:
17 Հունվար 2012
