ԱրՊՀ բնագիտական ֆակուլտետի 1-ին կուրսի ուսանողները բանասիրական ֆակուլտետի հայոց լեզվի ամբիոնի դասախոսներ Ծովինար Հասրաթյանի և Ժենյա Պողոսյանի հետ մայիսյան տոներին նվիրված միջոցառման շրջանակներում մշակութային ծրագրով այցելել են Մարտակերտի շրջանում տեղակայված զորամասերից մեկը։
«Զինվորի կողքին, զինվորի մոտ» խորագրով ծրագրի շրջանակում զորամասում կազմակերպվեց ինտելեկտուալ խաղ զինվորների միջև։ Հնչեցին հայրենասիրական կատարումներ, երգ, ասմունք, ազգագրական պարեր, որոնք զինվորների առօրյան դարձրին ավելի հետաքրքիր ու բովանդակալից։ Հայրենասիրական ոգով պարուրված այսպիսի միջոցառումներն, իհարկե, նպաստում են բանակ-հասարակություն կապի ամրապնդմանը, որոնց մեծ սիրով են մասնակցում ԱրՊՀ ուսանողները։
Արգինե Սարգսյան
20 Մայիս 2019
