Արցախի պետական համալսարանում ուսանողների հետ հանդիպել է Հայաստանի Ամերիկյան համալսարանի Թրփանճեան հանրային առողջապահության ֆակուլտետի դիմորդների հետ աշխատանքների համակարգող Աստղիկ Աթանյանը և հանդես եկել դասախոսությամբ:
Նա ներկայացրել է hանրային առողջապահության ոլորտը, այդ ոլորտում կրթության աշխատանքային և մասնագիտական հեռանկարները, Հայաստանի Ամերիկյան համալսարանի Հանրային առողջապահության մագիստրոսական ծրագրի ընդունելության պահանջները, ընթացակարգն ու վերջնաժամկետները, ինչպես նաև ուսման վարձի օժանդակության արտոնյալ պայմանները:
Անդրադառնալով մարդու առողջությանը ազդող գործոններին` նա առանձնացրել է սոցիալ-տնտեսական գործոնները, ֆիզիկական միջավայրը, վարքագիծը, բժշկական օգնությունը:
Աստղիկ Աթանյանը ներկայացրել է առողջապահության գործունեության հիմնական ոլորտները՝ կանխարգելում, խթանում, պաշտպանություն: «Վերջինս նշանակում է վերահսկել ինֆեկցիոն հիվանդությունները, շրջակա միջավայրի հետ կապված վտանգները, ապահովել առողջությանը չվնասող աշխատանքային պայմաններ, ճիշտ կառավարել արտակարգ իրավիճակները»,-ասել է նա:
Մասնագետը պատասխանել է ուսանողների հարցերին: