Գիտական ընթերցումներ Արցախի զբոսաշրջային ոլորտի խնդիրների եվ ձեռքբերումների մասին

11.11

2019

IMG 6256 IMG 6259

IMG 6265  IMG 6269

Արցախի պետական համալսարանում կազմակերպվել են գիտական ընթերցումներ՝ «ԱՀ զբոսաշրջային ոլորտը, առկա խնդիրները, ձեռքբերումները և առաջարկները» թեմայով:

Միջոցառումը նախաձեռնել էր տնտեսագիտության տեսության և կառավարման ամբիոնը` նույն ամբիոնի ավագ դասախոս Սերգեյ Սարգսյանի ղեկավարությամբ, որին ներկա էին ԱՀ Մշակույթի, երիտասարդության հարցերի և զբոսաշրջության նախարարության զբոսաշրջության վարչության պետ Արտակ Գրիգորյանը, տնտեսագիտության ֆակուլտետի դեկան, տ.գ.թ., դոցենտ Ռուզաննա Մանգասարյանը, դասախոսներ, ուսանողներ:

Ուսանողները հանդես են եկել ելույթներով՝ ներկայացնելով Արցախի զբոսաշրջային վայրերը և առաջարկները, որոնք, ըստ նրանց, կնպաստեն զբոսաշրջությունը զարգացնելուն, զբոսաշրջիկների հետաքրքրության շրջանակը ընդլայնելուն, հոսքն ակտիվացնելուն:

Ուսանողուհի Լիա Առուշանյանը նշել է, որ Վանք գյուղը ներքին զբոսաշրջության առումով առաջինն է, ինչը պայմանավորված է այն հանգամանքով, որ գյուղը աչքի է ընկնում իր ենթակառուցվածքների, ռեստորանների, հանգստյան գոտիների առկայությամբ:

Արտակ Գրիգորյանը ուսանողների հետ քննարկել է Արցախում զբոսաշրջության զարգացման այնպիսի ծրագրեր, որոնք կնպաստեն փորձարարական տուրիզմի զարգացմանը և նշել, որ անհրաժեշտ է հաշվի առնել յուրահատկությունները:

Միջոցառումը ամփոփվել է հարցուպաատասխանով: