Ավարտվել է հունվարի 21-ին Արցախի պետական համալսարանում մեկնարկած «Շրջակա միջավայրի պաշտպանության իրավունք» թեմայով միջազգային դատական խաղ-մրցույթի Կենտրոնական Ասիայի տարածաշրջանային փուլը: Հաղթող է ճանաչվել ՀՀ Հայ-Ռուսական համալսարանի թիմը:
Հաղթող և մասնակից թիմերի անդամներին հավաստագրեր է հանձնել ԱրՊՀ գիտության և միջազգային համագործակցության գծով պրոռեկտոր Վալերի Ավանեսյանը:
Ազգային և տարածաշրջանային փուլերի արդյունքում հաջողություն գրանցած թիմերը, այդ թվում նաև ԱրՊՀ թիմը` որպես կազմակերպիչ, մասնակցելու են ապրիլի 2-ից 4-ը ԱՄՆ Ֆլորիդա նահանգում կայանալիք եզրափակիչ փուլին: