Փորձուսուցում «Լրագրություն» մասնագիտության 4-րդ կուրսի ուսանողների համար

04.02

2020

84657068 1065148863821592 3662412196341612544 n 84716004 1065148793821599 679030794739515392 n

Փետրվարի 3-ից Արցախի պետական համալսարանի բանասիրական ֆակուլտետի «Լրագրություն» մասնագիտության 4-րդ կուրսի ուսանողները արտադրական փորձուսուցում են անցնում: Առաջին շաբաթը փորձուսուցում են անցել Արցախի հանրային հեռուստատեսությունում, այնուհետև նախատեսվում է այցելել նաև հանրային ռադիոընկերություն, «Ազատ Արցախ» թերթի խմբագրություն, «Արցախպրես» լրատվական գործակալություն:

Փորձուսուցման ընթացքում ուսանողներն անդրադառնում են լրագրողի հիմնական գործառույթներին, ժամանակակից մարտահրավերներին դիմագրավելու, ցանկացած իրավիճակում ճիշտ կողմնորոշվելու նրբություններին և ոլորտի առանձնահատկություններին, մասնագետների կողմից ներկայացվում մրցունակ լրագրող դառնալու արդի պահանջները:

Ուսանողուհի Մերի Հարությունյանը կարևորել է նման ձևաչափով փորձուսուցման անցկացումը՝ ընդգծելով, որ այսօր տեղեկատվական տիրույթում կարևոր է որակյալ մասնագետներ ունենալը:

«Ուսանողական կյանքի անբաժանելի մասն են կազմում մասնագիտական փորձուսուցումները, որոնց ընթացքում ուսանողները տեսական գիտելիքները կիրառելու և գործնականում ամրապնդելու հնարավորություն են ունենում՝ նպաստելով փորձի փոխանակմանը»:

Փորձուսուցումը կտևի մինչև փետրվարի 10-ը: