Մարտի 12-ին Արցախի պետական համալսարանում կայացել է հանդիպում ՀՅԴ Արցախի Կենտրոնական կոմիտեի ներկայացուցիչ Դավիթ Իշխանյանի հետ, որին ներկա էին կուսակցության ներկայացուցիչներ, ԱրՊՀ պրոֆեսորադասախոսական կազմը, ստորաբաժանումների ղեկավարներ, ուսանողներ:
2020թ. ԱՀ նախագահական ընտրություններում որպես նախագահի թեկնածու առաջադրված Դավիթ Իշխանյանը հանդես է եկել ելույթով՝ ներկայացնելով կուսակցության ծրագրային դրույթները և երկրի զարգացման իր տեսլականը:
Ներկաները հնչեցրել են մի շարք հարցեր, որոնք վերաբերում էին կրթությանը, Արցախյան հիմնախնդրի կարգավորման գործընթացին, անվտանգության ապահովմանը և այլ բնագավառների:
Ելույթներով հանդես են եկել նաև Հայ Հեղափոխական Դաշնակցության անդամներ:
ԱրՊՀ ռեկտոր Արմեն Սարգսյանը շնորհակալություն է հայտնել հանդիպման համար և իրազեկել, որ առաջիկայում հանդիպումներ կլինեն նաև նախագահի մյուս թեկնածուների հետ, ովքեր կներկայացնեն նմանատիպ առաջարկություն: