Արցախի պետական համալսարանը հայտարարում է ասպիրանտուրայի առկա ուսուցման համակարգի 2020 -2021 ուս. տարվա ընդունելություն: Մասնագիտությունների ցանկը` այստեղ: Ասպիրանտուրայի փաստաթղթերն ընդունվում են` ս.թ. օգոստոսի 10 - ից մինչև օգոստոսի 20- ը: Քննությունները կկազմակերպվեն ս.թ. սեպտեմբերի 07 -10-ը: Ասպիրանտուրա ընդունվելու համար դիմորդները պարտավոր են ներկայացնել հետևյալ փաստաթղթերը.
- Դիմում ռեկտորին:
- Բակալավրի և մագիստրոսի կամ դիպլոմավորված մասնագետի դիպլոմի և դրա հավելվածի պատճենները /օտարերկրյա պետություններում բարձրագույն կրթություն ստացածների համար`փաստաթուղթ նրանց կրթության համարժեքության մասին/:
- Ընտրված մասնագիտությամբ հրատարակված առնվազն մեկ գիտական աշխատանքի պատճենը կամ գիտական ռեֆերատ` առնվազն 20 տպագրական էջի սահմաններում:
- Ինքնակենսագրություն:
- Երեք լուսանկար /3x4/:
- Քաղվածք աշխատանքային գրքույկից /առկայության դեպքում/:
- Կադրերի հաշվառման անձնական թերթիկ:
- Անձնագիրը պատճենի հետ միասին:
- Արագակար:
Մանրամասն տեղեկությունների համար դիմել համալսարանի գիտության, ասպիրանտուրայի և միջազգային համագործակցության բաժին կամ զանգահարել 047940443.170 հեռախոսահամարով:
19 Հունիս 2020
