Արցախի պետական համալսարանում այս օրերին աշխատանքներ են տարվում հեռավար ուսուցման նոր հարթակի ստեղծման ուղղությամբ: Աշխատանքներն արդյունավետ իրականացնելու նպատակով ԱրՊՀ-ն համագործակցում է հարթակն արդյունավետ գործարկած ՀՀ Խ. Աբովյանի անվան հայկական պետական մանկավարժական համալսարանի հետ:
``Google for Education`` հարթակը լայն հնարավորություններ է ընձեռում հեռավար ուսուցումն արդյունավետ և նպատակային կազմակերպելու առումով, որի ներդրումը կնպաստի հեռավար ուսուցման կազմակերպման որակի բարձրացմանը:
ՀՀ Խ. Աբովյանի անվան հայկական պետական մանկավարժական համալսարանի կրթության կառավարման բաժնի պետ Անուշ Սարգսյանը, ով ակտիվորեն ներգրավված է հարթակի ստեղծման աշխատանքներում, խոսելով գործընթացից, նշում է, որ արդեն արձանագրվել են շոշափելի արդյունքներ:
Նշենք, որ օգոստոսի երկրորդ տասնօրյակում ՀՊՄՀ կրթության կառավարման բաժնի պետը կայցելի ԱրՊՀ` հեռավար ուսուցման համակարգի ներդրման գործընթացին աջակցելու նպատակով: