Դեկտեմբերի 9-ին ԱրՊՀ ՈՒՇՀՀՏԱԳ պրոռեկտոր Վ. Յարամիշյանը հանդիպել է ուսանողական ակտիվի հետ: Քննարկվել են ուսանողությանը և ուսումնական գործընթացին վերաբերող մի շարք հրատապ հարցեր: Առանցքային հարցերից էին պարապմունքների կազմակերպումը և ընթացքը, ուսանողների հաճախումը դասապրոցեսներին, նրանց հուզող հարցերի համակարգումը և բարձրաձայնումը:
«Բոլորս այս դժվարին օրերին պետք է լինենք ավելի միասնական: Լավատեսությամբ լցվելով` պետք է հաղթահարենք մեր առջև ծառացած բոլոր խնդիրները»,- նշել է Վ. Յարամիշյանը՝ հավելելով, որ ուսանողների հաճախումները աստիճանաբար ավելանում են: Հանդիպման ընթացքում ուսանողական ակտիվին հանձնարարական է տրվել համակարգել ուսանողությանը հուզող հարցերը և հաջորդիվ հանդիպումներ կազմակերպել ուսանողների և համապատասխան գծով պատասխանատուների հետ: