Արցախի պետական համալսարանի գլխավոր մասնաշենքի շինարարական աշխատանքներն ակտիվ ընթացքի մեջ են: Վարչական աշխատանքների գծով պրոռեկտոր Ռ. Ավետիսյանի խոսքով աշխատանքներն ընթանում են բնականոն հունով, համագործակցում են հայաստանյան տարբեր կազմակերպությունների հետ:
«Շինարարությունն իրականացնում է «Բերդ» ՍՊԸ-ն՝ մոտ 30 աշխատողներով: Հիմքից կառուցված երկու մասնաշենքերում ավարտված են հիմնական աշխատանքները, ներքին հարդարման աշխատանքները ընթացքի մեջ են»,- նշել է Ռ. Ավետիսյանը:
Ուսանողությունն անհամբեր սպասում է շենքի շահագործմանը:Նոր մասնաշենքի նախագիծը, որի հեղինակը «Վեմ» ընկերությունն է, խոստանում է ժամանակակից բոլոր չափորոշիչներին համապատասխանող պայմաններով լսարաններ: Շինարարական աշխատանքները նախատեսվում է ավարտին հասցնել 2021-2022 ուս. տարվա սկզբին:
