Դեկտեմբերի 24-ին Արցախի պետական համալսարանում կայացել է արհեստակցական միության արտահերթ նիստը:
Ուսումնական աշխատանքների գծով պրոռեկտոր Գ. Սահակյանը խոսել է ստեղծված իրավիճակում միության գործունեության հետագա կազմակերպման մասին՝ նշելով, որ գործունեությունը նպատակահարմար չէ շարունակել և, հաշվի առնելով արհմիության անդամների առաջարկությունը, անհրաժեշտ է համարում այն ժամանակավորապես դադարեցնել:
Արհմիության անդամների արտահայտած առաջարկությունների հիման վրա միաձայն որոշվեց ժամանակավորապես դադարեցնել միության հետագա գործունեությունը: