Փետրվարի 23-ին Արցախի պետական համալսարանի տնտեսագիտության ֆակուլտետի տարբեր մասնագիտության կուրսերի ուսանողների հետ անց է կացվել ինտելեկտուալ խաղ: Մրցույթը նախաձեռնել են ուսանողական գիտական ընկերության նախագահ Արման Ղազարյանը, ֆակուլտետի ուսանողական խորհրդի նախագահ Ռոմելլա Թամրազյանը և նույն ֆակուլտետի ՈւԳԸ նախագահ Դիանա Դանիելյանը:
Մասնակիցներին ողջունել է ֆակուլտետի դեկան Ռ. Մանգասարյանը, շնորհակալություն հայտնել բոլոր մասնակիցներին`ցուցաբերած ակտիվության համար և հորդորել հաճախակի կազմակերպել նման միջոցառումներ:
Խաղի ընթացքում հնչել են ուսանողների իմացական գիտելիքները և տրամաբանությունը ստուգող տարբեր ոլորտներից հարցեր:
«Խաղի նպատակն է մասնակիցներին ներգրավել ուսանողական ակտիվ կյանքին, նոր գիտելիքներ հաղորդել, բարձրացնել նրանց ինտելեկտուալ կարողությունները»,- նշել է Ա. Ղազարյանը՝ հավելելով, որ նմանօրինակ միջոցառումները շարունակական բնույթ կկրեն, մնացած ֆակուլտետներում էլ կկազմակերպվեն և արդեն իսկ հաղթող ճանաչված թիմերը կմասնակցեն համալսարանական խաղին:
Խաղի արդյունքում հաղթող ճանաչվեց «Ֆինանսներ» 2-րդ կուրսի «Տրիումֆ» թիմը: 2-րդ տեղը զբաղեցրեց «Ֆինանսներ» 1-ին կուրսի «Ավրորա» թիմը, իսկ 3-րդ տեղը՝ «Կառավարում» 1-ին կուրսի «Սիդհարթա» թիմը: Հաղթող թիմերը արժանացել են պատվոգրերի: