Փետրվարի 26-ին Արցախի պետական համալսարանում հրավիրվել է կլոր սեղան-քննարկում՝ «Հայ-ռուսական հարաբերությունները. պատմությունը, հիմնախնդիրները և զարգացման հեռանկարները» թեմայով: Հանդիպումը նախաձեռնել էր պատմության և քաղաքագիտության ամբիոնի վարիչ, պ.գ.թ., դոցենտ Ն. Սարումյանը:
Քննարկմանը ներկա են եղել ՈՒՇՀՀՏԱԳ պրոռեկտոր Վ. Յարամիշյանը, գիտական և միջազգային համագործակցության գծով պրոռեկտոր Վ. Ավանեսյանը, ֆակուլտետի դեկան Ա. Խաչատրյանը, պատմության և քաղաքագիտության ամբիոնի վարիչ Ն. Սարումյանը և ամբիոնի դասախոսներ:
Քննարկման ընթացքում ներկաները հանդես են եկել զեկույցներով, խոսել հայ-ռուսական երկարատև համագործակցության պատմության և մշակութային կապերի մասին:
«Կարևորելով հայ-ռուսական հարաբերությունները՝ պետք է նշենք, որ այդ կապը սկսել է զարգանալ պատմական հեռավոր անցյալից` սկսած 9-րդ դարից: Այն անցել է մի քանի էտապ և ամեն մի էտապ ունի իր առանձնահատկությունները այդ հարաբերությունների խորացման առնչությամբ»,- նշել է Ն. Սարումյանը:
