Մանկավարժության և սպորտի ֆակուլտետում կազմակերպվել է ձեռքի աշխատանքների ցուցադրություն: Ցուցահանդեսին ներկայացված էին «Տարրական մանկավարժություն և մեթոդիկա» մասնագիտության 2-րդ կուրսի ուսանողների աշխատանքները, որոնք պատրաստվել են «Տեխնոլոգիա» առարկայի շրջանակներում:
«Ցուցահանդեսում ներկայացված են ձեռագործ աշխատանքներ՝ կտորից և թելերից տարբեր տիկնիկներ, ասեղնագործ զարդարանքներ, շյուղագործ գլխակապեր, գուլպաներ, մաքրամե, գունավոր ապլիկացիաներ և այլ գործեր» ,- նշել է ՏՄՄ 2-րդ կուրսի ուսանողուհի Անի Գասպարյանը:
«Այս աշխատանքները վկայում են, որ առարկայի շրջանակներում ուսանողները յուրացրել են դասընթացի հմտություններն ու կարողությունները և պատրաստ են դպրոցում տվյալ առարկան լիարժեքորեն դասավանդելու»,- նշել է մանկավարժության և հոգեբանության ամբիոնի վարիչ Է. Բաղդասարյանը:
Ցուցահանդեսը բացվել էր մայրության և գեղեցկության տոնի առթիվ: