Սեպտեմբերի 3-ին աշխատանքային այցով ԱրՊՀ-ում էր ՀՀ Խ. Աբովյանի անվան հայկական պետական մանկավարժական համալսարանի կրթության էլեկտրոնային կառավարման բաժնի պետ Անուշ Սարգսյանը, ով միաժամանակ հանդիսանում է ԱրՊՀ Google for Education համակարգողը:
Կատարվել է այց որակի ապահովման կենտրոն, դեկանատներ: Տեղի է ունեցել խորհրդատվական հանդիպում Google for Education էլեկտրոնային կրթական համակարգի ֆակուլտետային և ամբիոնային առցանց պատասխանատուների հետ:
Որակի ապահովման կենտրոնում վերանայվել են Google for Education կրթական էլեկտրոնային համակարգի օգտատերերի գործառույթները, աշխատանքների համակարգման մեխանիզմները: Համակարգում ավելացվել են նոր օգտատերեր՝ համապատասխան գործառույթներով: Քննարկումներ են տեղի ունեցել էլեկտրոնային դասացուցակների ստեղծման ուղղությամբ:
Անուշ Սարգսյանի այցն առանձնանշվում է տեղեկույթային հագեցվածությամբ և խոհրդակցական արդյունավետությամբ: